.. ~{ وش تــقـــول لـلـي فـ بــــآلــــك }~ ..

[مهــ(M)ــا]

سووو اللي يريحك والله يعينك

[زقرتية قطر]

ياللي تقول أنس الذي راح ترتاح
تراك كنك بالمقابر تنادي
اللي وطى الجمرة ومن حرها صاح
يضحك عليه اللي بظل وبرادي
الليل كله ماتهنيت بمراح
يسري بي الهاجس فكل وادي
أستعرض الماضي بحلوه والأملاح
وفلمه على شاشة خيالي يعادي

[خاااااالد]

بقوله الليلة انا ضيف عيونك جيت اكدب ظنونك جيت اقول انى مشتاق وانى ضايع بدونك

[زقرتية قطر]

راسك علامك رافعه يوم أحاكيك
الظاهر أني فوق حجمك عطيتك
لحظة نبي نرجع دقيقه لماضيك
بذكرك في أي حاله لقيتك
كان الضياع ودمعتينك تخاويك
منهار وفي عز أنهيارك خذيتك

[خاااااالد]

اقتباس المشاركة الأصلية كتبت بواسطة زقرتية قطر راسك علامك رافعه يوم أحاكيك الظاهر أني فوق حجمك عطيتك لحظة نبي نرجع دقيقه لماضيك بذكرك في أي حاله لقيتك كان الضياع ودمعتينك تخاويك منهار وفي عز أنهيارك خذيتك

[للشقاوهـ حلاوهـ]

منك العذر لو كنت زعلان
آمر وأنا لك قلت لبيك
يا كل ناسي وأجمل انسان
كل العمر يا زين أفديك
تزعل وأنا لك موت ولهان
ما كني محبوبك أو أعنيك
ترضى أعيش العمر حيران
وأنا الي راحة قلبي في ايديك
لك في الغلا شيدت بنيان
لك صاحب دايم يداريك
يا سلوتي عن كل من كان
لاتفتكر في يوم ناسيك
لك صادق الإحساس برهان
ما يقبل مساوم وتشكيك
لأنك على الفؤاد سلطان
ما أقول غير الله يخليك

[زقرتية قطر]

ياما نصحتك و قلت البنت لعابة،،
تستاهل اللي يجي لك من سبايبها...


شعارها للمحب "كل شي بحسابه"،،
و إن طحت لا صبتها ولا انت سايبها...


وإن جيت للصدق تراها صدق كذابة،،
و أول دليل <<إني واحد من حبايبها>>

[للشقاوهـ حلاوهـ]

ياحب افهم انك بخافقي شي
وان العيون اللي تحبك سهارى ..
ياضي عين اللي يحبك وياضي
كل الدروب اللي بعيني حيارى ..
انت الذي ما يشبهك بالملا حي
مالوم من سمّاك سيد العذارى..
يابو عيونٍ كل ماناظرت في
اتوه وسط الناعسات السكارى ..
لاشفت وجهك قلت ياحي وياحي
وجهٍ كساه النور مثل النهارى ..
انت الحبيب اللي رويت الحشا ري
تروى بك عروقٍ لحبك تبارى ..
في غيبتك ارسمك لامن طرى لي
جمالك اللي يستحق افتخارا ..
مدري متى برتاح ياوردة الحي
واشوف همي بعد شوفت توارى ْ ..
يمكن ليا شفتك نزح همي شوي
ويمكن ليا شفتك جروحي تدارى ..
والا انت تدري انك النور والفي
وانك يمين ودرب غيرك يسارى ..
انت الذي ما يشبهك بالملا حي
مالوم من سمّاك سيد العذارى

[زقرتية قطر]

بكرةإذاقال القدرفي دنيتي قوله
وأرخيت جفني على مركبه وشراعه
الموت بكرةإذا عانقت مرسوله
وأهديت له كل عمري وداعه
وصلتك أوراق بحروف الدم مكتوبه
وتصرخ ياليت ماضيقت صدر(فلان)ساعه

[للشقاوهـ حلاوهـ]

مو فرحك أنت وبس هاليوم بالذات
أحس كل العالم يعيش في عيد
الورد وقلوب الحبايب والآهات
والناس من فرحك وسعدك مساعيدك
أقولها مرة ومرة ومرات
هالليلة أمست لك شموع وزغاريد
يا كوكب هيهات ينطال هيهات
يا ظبي تجفله قلوب المواريد
غنتلك ألحان القصايد والأبيات
يعلا الفرح في عمرك يزيد ويزيد
في يوم فرحك لك تزف التحيات
وتبارك لقلبك بهااليوم وتعيد