عسى ما مرت الدمعة على اهدابك من اسبابي
جرحتك من كثر شوقي وخليت الكلام رماح
ولاادري شلون ياعمري طعنتك حيل بعتابـي
بدون شعور صدقني ترى كثر الغـلا ذبّـاح
تعال وشوف بغيابك غلاك شلون سوى بي
حرام تغيب من عمري وتعطيني الفراق وشاح
حرام الدمع في عيني مناديلـه هـي أهدابـي
غيابك يشغل عيون الزوايا وامتلـى أشبـاح
وانا انثر صوتك بقلب المكان واشعل ابوابـي
تلفت للأمل دام الرجا في عمـري المنـواح
أناديلك ولو شرهك وصولك تقطع أعصابي
أبيك الجاي من عمري أنا مابيك شي وراح
مدامك أجمل وآخر مدامـك أول أحبابـي
أبي أرتاح ياعمري انا أدري هم تبي ترتـاح
تعال وقبل ما أفرح ترى تفرح بـك ثيابـي
أحبك يابعد عمر الحزن والجـرح والأفـراح
أحبك كثر ما نامت عيونك داخل أهدابـي
العرض العادي
