ياصبري اللي ماعلى صدقك كــــــــلام
يا آهتي وحكايتي وقت الــــحـــنـــيــن
يا ليلتي بغيابهم ظـــــيــــم ومــــــــلام
كن السنين إليا مشت تاخذ ســـنـــيــن
يا ورد أنا ماجيت لك أرمي الـــســلام
جيت أقطف أحزاني وأنا مالي ظـنيـن
جيت أرسمك يا خادعي بين الزحـــام
جيت أرتجي صبر الجفا لقلبي يعـيــن
والله على صبر الجفا لعين الكـــــرام
عين المحب اللي هجر قلبي حزيــــن
واللي قتل في داخلي كل الـــغــــــرام
عينه ليامنه نكر حب ٍ يــــبــــيـــــــن
وعينه ليامنه قسى .. لا واحـــــــرام
ياصبري اللي مابغى حاله يــــزيـــن
خذني على عهد الجفا قلب ٍ يـــظــام
خذني عسى يا عاذلي حظك يشــيــن
ماعمري اطريت الزعل .. دام الخصام
ماله على حد الوفا قلب ٍ وعــــيــــن
ياصبر أنا مالي على جرحك كــــلام
إجرح وأنا اللي داخلي لعينك حنيـن