لاقلت في نفسي بباعد .. وبنسـاك
ترجف عظامي ..ويندمر كل وضعي
مركب غرامـي راسي(ن) قرب مينـاك
موج(ن) من الأشواق والشوق طبعي
عطني حنانك..لاتذكر اليوم فرقاك
ماعاد به تبرير او عذر شرعي
اقسم برب البيت لليوم أهواك
خلك قريب يا بعد كلي وربعي
لو ادري ان الروح ياصاحبي تكفيك
أرسلت لك روحي على باب ... بيتك
ولو الغلا بالقلب ياصاحبي شيك
كل الغلا اللي في رصيدي ... عطيتك
قلبي يغرد ... كل مامر طاريك
تنساني الفرحه لو اني ... نسيتك
ياحزة الضيق صدري منك ماضاقي
لقيت معك العلاج وهانت العله
اليا رميتي بدلوك داخل اعماقي
قريت لك ماتيسر من كتاب الله
اطوي حبالك وانا واقف على ساقي
عليك راسي طويل ولا قصر ظله
كم راح من ضيقه وكم من حزن باقي
جاريت كشف الهموم وجات منسله
وانا لو اني زعلت وشانت اخلاقي
لازلت من فضل ربي من هل المله
مخلوق قانع وراضي بامر خلاقي
مثلت لامره وانا خاضع من الذله
بكيت يوم المدامع تحرق احراقي
لكن هانت بعد جف البكا كله
اخاف من يوم تشخص فيه الاحداقي
وتميل بي كفة التقصير والزله
يارب عفوك وانا للعفو تواقي
كم لي وقلبي يفوح ولا برد غله
لو راحة البال تعرض وسط الاسواقي
ماكان نصف الخلايق صابها خله