شد الحزام وخل هالكون كله
وارفع يدينك للولي عالي الشان
لا الناس نافعتك علي كل عله
وكلن له بدنياه صدمات واحزان
قم ثم توض وصل في خير مله
واسجد لرب الكون لاكنت تلفان
ومن راح لا تبكيه دربه يدله
بكرا يذوق الغدر ويعود ندمان
اصبر وعز النفس عن كل زله
والصبر زين وقد نفع بعض الاحيان
بعطيكم القصه وقلبي محله
ذاك الوليف الي صدفته فعمان
العين والمبسم وشعرن يظله
يا بري حالي كيف له زين فتان
الرمش من ثقله عجز لا يشله
وكن العيون ان شفتها قلت نعسان
ما كنه الا الريم يجفل بظله
وسبحان ربي خالق الزين سبحان
طيب وجمال وعز من كان خله
لا شفت زوله تنجلي كل الاحزان
صدفه تقابلنا وانا فاطنن له
جدد جروحن خافياتن بالازمان
ذكرا الذي شيب فحالي وسله
ولجله تركت الكل والحب سلطان
العرض العادي
