~~(((..المـــج ـــــلس .. 2)))~~ مجدد

[صدق النوايا]

قاعد لكم اليله ورايق

[مج نونتك]

عطني وعد ماأشوف أنامنك هجران
واعطيك كل الحب وأعطيك عمري

[صدق النوايا]

اقتباس المشاركة الأصلية كتبت بواسطة ؟ فلسفة شاعر ؟ الود يا (محمد ) بدأ فيه تغيير = مدري علامه ليه وضعه محيًر الحال يا (محمد) يبي زود تفسير=لابه معازيب ٍ ومابه مسيًر عطني جوابك حرف شعري وتصوير=ياشاعر ٍ بالقاف مانته صغيًر

ما دايم الا وجه رب المقادير =رب بحكمه كل شي مسير
الا يافهد يانسل قوم مناعير= ياأعز من نادا وسلم وسير
ياشاعر توقف من اجله طوابير=القاف مسباحه وعاده صغير
الود اشوفه صاير فيه تغيير=والله مدري وش بلاه متغير

[؟ فلسفة شاعر ؟]

اقتباس المشاركة الأصلية كتبت بواسطة صدق النوايا وش يوصل صاحبك حد الجنون الا الفراق=كل ما يطري على فراق ما بعده لقاء دام وصلك اكسجيني في بعادك اختناق=والله ان روحي فبعدك تصعدلحد السماء من كثر ماضاقت الدنيا على الصدر ضاق=طفل يبكي في فصول الامتحان من الغباء ايه صحيح ان السحاب من البحر له انطلاق=شوف كيف الفرق شاسع واصلهم بالخلق ماء ذاك نفس الفرق مابين التجافي والعناق= وذاك نفس الفرق ما بينك وما بين النساء

الله الله ياجنون الشعر جوًي معه راق=صورة ٍ بين المفارق والوصل هو والجفاء
الجفاء من شخص غالي يامحمد مايطاق=والمفارق حالته مابين آلآااام وشقاء
ياوجودي وجد شايب من عناه الوقت (عاق)=ماجداه الا (يون) ويذكر ايام الصباء
عاديات الهم سوًت في خفوقه له سباق= لارفيق ٍ فيه خير ولا جماعه واصدقاء
على حبيب ٍ يصتفق حبه بقلبي اصتفاق= وان طلع من وسط قلبي .. مع شراييني رقاء

على عجاله .. والمعذره ان كان فيها قصور

[مج نونتك]

اقتباس المشاركة الأصلية كتبت بواسطة صدق النوايا ما دايم الا وجه رب المقادير =رب بحكمه كل شي مسير الا يافهد يانسل قوم مناعير= ياأعز من نادا وسلم وسير ياشاعر توقف من اجله طوابير=القاف مسباحه وعاده صغير الود اشوفه صاير فيه تغيير=والله مدري وش بلاه متغير

شفت السوالف بشعر راقي وتعبير
راق لي حب ووفا ما تغير

يالشاعر اللي تسأل ويش صار ويصير***
الود ماشي بس يمكن تعثر


مجرد محاوله واسمحولي

[., {.ٍ بكِـــيتُكّ ,.]

يسعد لي صباحكـم


ماشاء الله ..محاوره رائعه


محمد الجبيل صح لسانك ..بيض الله وجهك..

الفرريدي فهد..بيض الله وجهك ابن العم ..صح لسانك... عجبتني والله...

استمرووو..

عادي ادخل معكم هع

[؟ فلسفة شاعر ؟]

اقتباس المشاركة الأصلية كتبت بواسطة ., {.ٍ بكِـــيتُكّ ,. يسعد لي صباحكـم ماشاء الله ..محاوره رائعه محمد الجبيل صح لسانك ..بيض الله وجهك.. الفرريدي فهد..بيض الله وجهك ابن العم ..صح لسانك... عجبتني والله... استمرووو.. عادي ادخل معكم هع

بكيتك ادخل عسى مابكيك = ومنوًر الود بقدومك
اهلا هلابك وانا ابن اخيك=عطنا سسوالفك واعلومك

[صدق النوايا]

حسدت طفل ما بكى مر الايام=ينام في حضن امه اليل كله
وحسدت طير في سما دنيته هام=لاضاق ناظر في جناحه وفله
وحسدت شيخ لضملت ليلته قام=يستغفر الله من دنس كل زله

[., {.ٍ بكِـــيتُكّ ,.]

اقتباس المشاركة الأصلية كتبت بواسطة ؟ فلسفة شاعر ؟ بكيتك ادخل عسى مابكيك = ومنوًر الود بقدومك اهلا هلابك وانا ابن اخيك=عطنا سسوالفك واعلومك

هلا وغلا بالغالي ..


امين

جعل ايامك كلها سعاده يارب..

اعلومي كلها تسرك يابعد قلبي ..
.

اعذرني والله القريحه تعبانه .. صح لسانك ..وبيض الله وجهك يالامير ..

[., {.ٍ بكِـــيتُكّ ,.]

اقتباس المشاركة الأصلية كتبت بواسطة صدق النوايا حسدت طفل ما بكى مر الايام=ينام في حضن امه اليل كله وحسدت طير في سما دنيته هام=لاضاق ناظر في جناحه وفله وحسدت شيخ لضملت ليلته قام=يستغفر الله من دنس كل زله

حسدت اللي قلبه نظيف ماعمره حب ...

صح لسانك..شكل الليله ماحد يبي ينام..

بيض الله وجهك..