ثابت هو الطيب لو تاهت وجيه الرجال
............ يا قلب صبرك على هالناس صبر"ن" جميل
وقتي زكاته من المليون يعطي ريال
............يا كيف أعيش بزمن فيه النشاما قليل
عوامل التعريه خلت جبالي رمال
............ و" ريح المواجع " بصدري كم تحط و تشيل
حتى هدوئي تلاشى و أعتلاه أنفعال
............ يمكن من الناس ؟ يمكن من رجى المستحيل ؟
ما أصعب من أنك عن العالم تعيش أنعزال
............ الا هروبك تفتش داخلك عن بديل
مره و لا غيرها حبيت و القلب مال
............ من بعدها والله أن القلب حرم يميل
في ذكرياتي لقيت الحب صعب المنال
............ فيه الوصل والمفارق .. بين صبح"ن" و ليل
مو شرط بانك تحب .. تحب لاجل الجمال
............ حبيبك أجمل .. لانه في صفاته جميل
يا طهر زمزم و لا لي بالصبر أحتمال
............ وشلون أموت ب/جفافي و أنتي السلسبيل
لا صار حبي يعبر عن بيوت"ن" جزال
............ يحق لك لو تفاخرتي ب/ وزن الخليل
مير العتب مثل ما تدرين يطرح سؤال
............ ليه الجفاء تشهرينه مثل سيف"ن" صقيل
هجرتي النفس لين أيقنت بانك خيال
............ و أيقنت بأني ب/دربك صرت عابر سبيل
لو كانت أفراحي العظمى ثمن للوصال
............ ما كان عز الوصال و صار ليلي طويل
من سواء حظي غدى وصل الأحبه محال
............ يا ليت حظي تجمل قبل ما يستحيل
أقول / زال الغلا.. و أثر الغلا ما يزال
............ كن الغلا فوق همي زاد هم "ن" ثقيل
يا رب تجعل همومي كلها للزوال
............ يا رب تجعل " مزون الخير " فيني تسيل
متى ؟ متى ؟ تمطر مزوني جنوب و شمال
............ مات الزهر ما بقى بي غير طلع النخيل
العرض العادي
