~~(((..المـــج ـــــلس ..)))~~

[خالد السنحاني]

ياحنين الشوق مدري ياونيـــــــــــنه
لاتعذبني برجوى من نســـــــــــــاني

دام طالع للهوى من نص عينه
مقفيٍ مني ولما جاني لقانــــــي

ويش اسوي لوقضيته بعض دينه
ما ابي اصير باشواقي انانـــــــــــي

[خالد السنحاني]

يازهور الروز وايا الياسمــــــــــــــــــين
ياشذا الريحان في نسمة هبوب

مع سلامي صافحي هاك اليدين
وبلغيها اني على البعد مغصوب

ولاقدرت اكبح خفوقي مالحــــــــنين
بس صار الامر في حكم الوجوب

الخطا مره ويمكن مرتيــــــــــــــــــن
وعقبها راعي الخطا منه يتوب


مير شفتك من طريقي تبعدين
مقفيه باشواقنا في كل صوب

ايه انا الاول وودي ترجعيـــــــــــــــــــــن
لكن ابغي خافقك لاجلي يذوب

مانسيتك لحظه بوقتي وحيــــــــــــــن
كان قلت انساك ياروحي كذوب

افهمي علمي وشوفي الوضع زيــــــــــــــــن
وصححي الممشى على ذيك الدروب

[مــــــدى]

كشفت لك قلبي من غير حايل !
............................ واظهرته بين كل الملا والعبيد !

بوضع مشتاق / وش انت قايل ؟
............................ لاقال له شعوره هل من مزيد ؟

حبيبي / غير هاالوضع مابه بدايل ؟
............................ وصدفة لقانا تصبـح مواعيد

اتعبني خفـوقي باالحيل صايـل
............................ والروح متعبه والمشاعر تكيد !







المــــدى ,,,

[مــــــدى]

جمعه مباركه عليكم ياروّاد المجلس ... وصح لسان كل من اهدانا قصيده باالمجلس وتقدير لكل من كتب من ذائقته ... ولو اني ماعطيت كلمه للفريدي اني انوب بغيابه ولاّ كان ... كان ... كان ماعطيتكم وجهه ههههههه ... امزح امزح طبعاً يالبّى حضوركم كلللللكم ..,,

[مــــــدى]

شيّ ٍ بداخل قلبي طرق !
......................... هزّ من الخفوق معاليقه !

اسهر العين / اغرقني غرق !
......................... وبيّح المكنون وصناديقه !

كلّي / وجهته / راح وزرق !
..........................ماقدرت امنعه / او اعيقه !

ماهو بحـق ٍ تسرقنا/ سرق !!
..........................ولاهو بحق ٍ تتعب عشيقه !

ولو حالنا عندك / مافرق !!
.......................... ارفق بحلّك / وعطنا طريقه !















المــــدى ,,,

[., {.ٍ بكِـــيتُكّ ,.]

اقتباس المشاركة الأصلية كتبت بواسطة مــــــدى جمعه مباركه عليكم ياروّاد المجلس ... وصح لسان كل من اهدانا قصيده باالمجلس وتقدير لكل من كتب من ذائقته ... ولو اني ماعطيت كلمه للفريدي اني انوب بغيابه ولاّ كان ... كان ... كان ماعطيتكم وجهه ههههههه ... امزح امزح طبعاً يالبّى حضوركم كلللللكم ..,,

جمعه مباركه ماتجوز ،،، هذا انتي متعلمه.؟

[., {.ٍ بكِـــيتُكّ ,.]

تدري حضورك يفرح الصدر والعين
تدري مع الأيام يزداد شوقي

صادق معك هالحين وبكره وبعدين
ويالله عسى مافيه شيءً يعوقي






بقلمي ،،.

[مــــــدى]

اقتباس المشاركة الأصلية كتبت بواسطة كحيـــــلان جمعه مباركه ماتجوز ،،، هذا انتي متعلمه.؟

وووبز
نسيت انها بدعه :)
وجزاك الله خير على التوضيح ياكحيلان
وصح لسانك على البيتين :)

[., {.ٍ بكِـــيتُكّ ,.]

شر البليه مايضحك.<<يامــدى


المشكلة ما هي حناياي والجوف ؟

ولا هي بحزني .. وابتسامة جبيني ؟


المشكلة من وين ما ألدّ بالشوف ~

ألقاك في كل.. الأماكن تجيني .. !

[مــــــدى]

الله يكفينا شر البلاوي ياوخيي :)
بس ترى مافهمت وش تقصد ؟؟
على فكره البيتين ياهن مؤلماااااااات .... لكن هذا كحيلان وهذي ابياته الذوق اللي دوم تجي على الجرح .