يا بحر
وش فيك غيري تأخذ همومه .. وآنا تزود لي همومي وآلامـي
يا بحر
ليش الأماني شبه معدومه .. إن جيت أمدّ الخطاء تتراجف أقدامي
يا بحر
هذا زماني شانت علومه .. لا قلت جرحي برى أصبح بعد دامي
يا بحر
قلبي رضي حظه ومقسومه .. دنيا قست لين ضاعت منّي أحلامي
ما شفت يا بحر نفسي كيف محرومه .. أصدر عن المنهل الصافي وأنا ضامي
فأرجوك إذا لي بعد في غبتك عومه .. إنك تذلّل سيوف الموج قدامي
عشان ما يلحقك من صوبنا لومه .. أما زماني حكم قبلك بإعدامـي
هذي أمانـيَّ والأقدار محتومه .. والجفن بين الرجاء والخوف ما نامي
:: .. ::
العرض العادي
