صباح الخ ـــــــــــــــير حبايبنا
(
)
(
)
........
........
أنا والليل والعبـرة وجـرح وخاطـرٍ مكسـور
ونفسٍ من هجيـر البعـد والحرمـان مقهـوره
وقلبٍ ظامي لشوفك ولا يـروي ظمـاه بحـور
وعينٍ تنتظر لحظـة غيـاب الطيـف وحظـوره
ونـارٍ تنطفـي مـره ومـره تشتعـل وتثـور
وأقول النار مقدوره وهـي مـا هـب مقـدوره
حسبـت الليـل بغيابـك يمـرٍ الليالـي دهـور
وكني شايل بقلبـي ليالـي الوقـت وشهـوره
تصبرت وتقدرت وبنيـت مـن الخيـال قصـور
ألين إن الجفـاء شـد الركايـب وانتهـى دوره
تحريتك على درب القصايد مـن ثـلاث شهـور
وحشا ما مات لك غصنٍ يشف المـاء بجـذوره
تخيرت الغـرام وجيـت لا راضـي ولا مجبـور
وجيتي تسبقيـن خطـاك مرضيـه ومجبـوره
وأنا ما كان لي رغبة أبين واكشـف المستـور
ولكن الجمـال أكبـر مـن الخفـاق وشعـوره
جمـال وود وعيـون ودلال وكبريـاء شعـور
وفتنة تخـذل عيـون النهـار وينطفـي نـوره
ولك في خافقي صوره تلاشت بين ضـي ونـور
وأخاف أسكت من الفرحة وتنطق باسمك الصوره
عرفتك وانتهت رحلة قساوة دربـي المهجـور
وألا يا جملة أيـام الجفـاء والصـد مشكـوره
خذتني للجفاء عـزه وأخذنـي للعنـاد غـرور
وأخاف أكون بعنـادي حبيـب ومـات بغـروره
وإذا كانـت مسافـات الخيانـة للغـرام قبـور
وش اللي يجبر العاشق يخـون ويحفـر قبـوره
وش اللي يجبر الشاعر يدور للشعـر جمهـور
مـدام أنتـي محبينـه وعشاقـه وجمـهـوره
.........
.........
)
(
)
(