فعلا...
سؤال يطرح نفسه...
ليه الرجل او الزوج إذا خان ماأحد يقوله شي ويمكن يحطوا اللوم على الزوجه بأنها مقصره معه...بل وزياده على ذلك يعطوه مبررات ويغفورا له مره ومرتين وعشر,,,ويقولوا للزوجه اصبري عليه وإلا مايجي يوم ويتغير ويعقل ..لا وبعد يقولوا لها حاولي ترضيه وتسويله اي شي او اللي يبيه عشان مايطالع برا وكأن الزوجه هذي عبده او جاريه مصخره لهذا الكلب اللي مايراعي مشاعرها وولا كرامتها...
والزوجه إذا خانت مايتحملها الزوج ويطلقها على طووووووووول بدون تفكير وطبعا الهل يلوموها على طول بدون مايفكروا ليه سوت كذا او وش الأسباب ...؟؟
طيب وش معنى الرجل تبرروا افعاله...
مثل ماله خاطر يسمع كلام غزل او حب او يعيش قصص حب فالمرأه تبي كذا بهد بل واكثر من الرجل...
انا مأقول هل الكلام بمعنى اني اشجع المرأه عالخيانه وكانها وحده بوحده!! لأ !
انا بس ابي ابين للرجال ان مثل ماتحس بطعنة الغدر المرأه برظو تحس..
انا بالنسبه لي...إذا خانني زوجي صدقوني مع البااااااااااب على طول...
اعيش مطلقه وبحاله نفسيه كويسه ولا اعيش مع زوج والناس تقول مشالله بنت فلان متزوجه فلان وبنت فلان ببيتها ولكن مايدروا بنت فلان هذي وش قد متحطمه نفسيآ وماتدري وش السوات؟؟؟
عايشه مع زوج بالأسم بس..
لألألألأ !!
الطلاق ارحم واشرف بل وامتع بالنسبه لحالة خياااااااانه...
وشكرا