من بادي الوقت وهذا طبع الايامي = عذبات الأيام ما تمدي لياليها
حلو الليالي توارى مثل الأحلامي = مخطور عني عجاج الوقت يخفيها
أسري مع الهاجس اللي ما بعد نامي = وأصور الماضي لنفسي واسليها
أخالف العمر وأراجع سالف أعوامي = وأنوخ ركاب فكري عند داعيها
تدفى على جال ضوه بارد عظامي = والما يسوق بمعاليقي ويرويها
الا صفى لك زمانك عل يا ظامي = اشرب قبل لا يحوس الطين صافيها
الوقت لو زان لك يا صاح ما دامي = يا سرع ما تعترض دربك بلاويها
حتى وليفك ولو هيّم بك اهيامي = سيور الأيام تجنح به عواديها
العرض العادي
