تعاتبني على الفرقى ..و تطالبنـي حبيبـي ثبـوت =
تظن اني ابي فرقاك ؟ تفكـر انـي لـك بظالـم !!
آنا ما غبت عن وصلك سبب هجران بـي وقنـوت =
ولا جافيت كذا فجأه (سوى يـوم انـي اتألـم) !!!
شعرت انك تبـي فرقـاي تبينـي ابتعـد بسكـوت =
مثل ما شفتك اتسوي ,," بصمتك رحت " دون افهم !
بغيت اهديك راحاتك .. ولو في راحتـك (امـوت) =
أهم عندي شرى فرحتك .. ولو منهـا انـا اهتـم !
تراني ,, من كثر مـا حبّـك بقلبـي بنالـه بيـوت =
بديت أأثّث ركون الاماكـن لـك , بـه , واحلـم !
حبيبي لو قطارات الوصـل بينـك وبينـي تفـوت =
انا اتحدى جميع الكون "لشخصك" انت لـو تعلـم !
ما يثني حبك بروحي طويل الوقت وبِعـد الصـوت =
" ترسّخ في جذور القلب عشقٍ إلـك مـا يعـدم "..
فدى روحك انا كلّي , فدى طلتـك , فـداك التـوت =
فدى همسك , فدى لمسك , فدى عينك , فـدى للثـم
يلي ينطق بزين الحكـي ,, ويتفنـن بحلـو النـوت =
ويغمرني محبه , وشوق , وفرحٍ منـه مـا اسلـم !
عسى ما اعدمك يا الغالي و" لا اخلا شوفة المنعوت" =
عسى تسعد غنـاة الـروح وفـرحٍ دوم بـك يزتـم
ومهما فرّقت الاقدار ورسمت ع الـدروب خبـوت =
يظل طاريك يا عمري كمـا مـوج البحـر يلطـم !
على شاطي خيالي اللي لغيرك ما رستبـه يخـوت =
ترانيم الوله واشـواق وعشـقٍ قاسـي مـا يرحـم
ع كثر الحب يلي بقلبي ,, ببعدك خاطري مكبـوت =
ولا باليـد حيلـه او وسيلـه بالقـرب " أنعَـم " ؟!
و تعاتبني على الفرقى ! .. تطالبني حبيبي ثبـوت! =
تطمن يا بعد كلّي .. أبد ما انسـاك لـو ( أُعـدَم)!