المفروض ان احنا نفكر مثل ما يفكرون اطفالنا صح ان بعض هذه المشاهد مو زينه بس يعني
يعني مثلا انا شفت كارتون يوم انا صغيره و الحين اشوف نفس المسلسل و لكن بطريقه ثانيه لان تفكيري تغير و تغيرت نظرتي لكل شي
و المفروض ان احنا نراقب اطفالنا ,, فاذا ربيناهم عدل و علمناهم على كل شي صحيح فانهم بالتأكيد لن يتجهوا الى ما هو سيء و اذا شافوا ان احد هذه الافلام مو زين اكيد راح يتركونه
و دورنا هني ان احنا نعطيهم شوي من وقتنا و نطالع هذي الرسوم معاهم و نبين لهم الصح من الخطأ و اكيد هم مو بس يشوفون لازم يتسائلون عن الشي اللي شافون سواء كان فيلم كارتوني او اي شي غير ,, و احنا لازم نبين لهم ان هذا مجرد كارتون و ما يصير في حياتنا هذي
و لا تنسون ان من هذي الافلام الطفل يتعرف على ثقافات الشعوب و احنا نقدر نقول له ان هذي مو عاداتنا ,, و هذي الافلام تصقل شخصية الاطفال
و مهما يصير و مهما تقولون ما بقطعها ,, على الاقل احسن من الاتجاه الى شي ثاني مضر بنا
لازم نختار الجيد و ما يصلح لأطفالنا و نقدمه لهم ,, او نجد البديل لتلك الافلام السيئه ..
و مثل ما لكل شي مساوئ و فوائد للكارتون بعد نفس الشي فهو سلاح ذو حدين علينا ان نستخدم الحد الجيد منه ...