شرهة عْتاب إتعلق حْروفنا بين
جرح الكلام وسكتة الصمت والموت
قطع الوصل جفت منْه شجرْة التين
شوفيْ الورق من قلة الري مهتوت
خريف يا عمري ويا قلب مسكين
وللحلم في عيني بعَد مات تابوت
وطعنة سيوف البعد في داخل العين
مرّود قهر في موق الاحباب مفتوت
طول الغياب.. فْداخل القلب سكين
وكثر الجفا.. من ماضي الوقت ممقوت
ضاق الفضا ما عاد به غير ثقبين
ثقب آتنفس منه وثقبٍ به آموت
حرفك به أنفاسي وموتي من البين
وشلون لو أتصعدك واسمع الصوت
لاْنك سماءً ثامنه بين قوسين
قوسينها عينٍ لها شوفتك قوت
وترتيلة حْروفك بها لولو وطين
أصالة أستحداث بأسحار هاروت
وجرْس القصيد بمنطقك لو تغنين
صنّت له الأذان والعالم سْكوت
وقوة بيانك فلسفه للذهينين
مثل الفخر في معركة عين جالوت
لو تأسرين القاف ثم تستبيحين
دمه نثر دمه على صفحتك توت
تصويرك الفاتن وتطريزك الزين
نقشة حروف وصارت ابياتك اْبشوت
شعرك طلاسم خضب وكتابك اْيدين
وسحرك بيان وقافك أقسى من الموت
أشفق على عاطر قصيدك وتدرين
ياعنبرٍ ماهوب من داخل الحوت
وان كان عزمتي فْدربك تسيرين
الصوت ما ينفع ليامن قضى الفوت
يارايحه..!قلبي معك لو تروحين
به زر للتفجير والقلب موقوت
وان كان موتي لا حصل تستريحين
القلب بين اْيدْيك والبعد ريموت
صغت إلك دره نادره فالدواوين
وضاهيت ابن سعدون يومه عشق نوت
وبأقول لك كلمه واْعاهدك عهدين
من قلب صادق ماهي اشعار وبْيوت
والله لا احطك بعيني عن العين
وأموت بك وأعشق على شانك الموت
للبوح في دنيا المحبين معنا
لب القلوب يصافحه قبل الأسماع
يا ما تقدمنا ويا ما رجعنا
في دايرة شوق لها جمر وشعاع
في نورها صدق المحبه جمعنا
وبنارها عقب النوى صبرنا ضاع
ما كل من فارق فراقه فجعنا
ولا كل مقبل يمه القلب نزاع
الا انت يا موقد فتايل ولعنا
بالفاترات اللي على القلب بتاع
يامالهن لو امرهن جور طعنا
جور الهوى للمبتلي فيه مرباع
ياما لطعناتك ضمينا وجعنا
يا رمشها اللي فوق الأوجاع شراع
قل للعواذل ما سنعكم سنعنا
اللي تلومونه سمعكم ولاطاع
العرض العادي
