زدني : من الدله وبعّدني عـن الهـرج الدقـاق
السلعه الهزله. لك الله ما التفت فـي سوقهـا
شاعر: واحب الشعر واطربله. ولا احب النفاق
وتقنعني : الجزله ليا منـي سمعـت طروقهـا
ولا شيب رموشي . يا غالب غير نقض الاتفاق
سنين : وعيوني يا غالب مـا تجـف رموقهـا
العود الازرق : ريحته ناتج وجـود الاحتـراق
وادنى طموحاتي : قدم وجهي تلـوح بروقهـا
حاولت : أوطّن فكرتي في داخل حدود النطـاق
أمـا يظلـل ظلهـا : والا تسـوق عروقـهـا
مع زحمة الايام . كني والهقاوي فـي سبـاق
حرمت نفسي : لاجل غيري من جميع حقوقهـا
حمّل الجمال يطاق . وحمول النشاما ما تطاق
وجدّي .وابوي ونعم . والنعمين عيب ابوقهـا
وليس من . هذا أنني اعيش عصر الانغـلاق
المتـذوق : رغبتـه وشلـون الامـس ذوقهـا
تلعبنا : الأهواء مثل لعـب . التحالف فالعـراق
والجوهره : ما يعرف اللاعب رقـم صندوقهـا
يا غالب . أعذرني يساق . اللي منوّل ما يساق
وليت العطاشى الماء بعد هذا يبـلّ عروقهـا
من طاح في مره . من المرات هاب الانـزلاق
ومن يعرف يشقّ العبي : يعرف يخيـط فتوقهـا
ولو . أخفي الاحزان وهموم التلاقي . والفـراق
بقعاء على وجه الشقـي : لازم تبيـن طقوقهـا
اشره. على الغالي . وشرهاتي لها وزن ومذاق
مابه يدين : الا يدين الله تعالى . فوقها
وحل الأمور وربطها : في يدك يالترف الرّقـاق
يا شبه صفراً : سرجها يلعب علـى سمّحوقهـا
أدخل على الله : ثم عليك . من الغلا والاشتياق
ترقـد عبـاد الله : ورجلـي للهلاك أسوقـهـا
من ذاق طعّم التضحية . في لهفة قيود العنـاق
طاوع هواه . ورغبته . كسّر سلاسـل شوقهـا
يا بنت . من حب السعه . ما حب جوّ الاختناق
تضحك هلّ النمة . وتلّـوي بالكـلام شدوقهـا
وأنا بصبيان البقوم : أقـدم ولا احـب النفـاق
وتقنعني الجزله: ليا منـي سمعـت طروقهـا
ويستاهل المقـلاط : والفنجـال مفّتـك النيـاق
لا غطّرفت بنت الشيوخ : لمـن يرجـع نوقهـا
العرض العادي
