إشارة البعد خليها على يسارك
إلين تاصل تقاطع شوق بعيوني
وإن كان حادث غيورٍ قطع أزرارك
لا تلوم منهو عطاك الموت يا عوني
قبرك قسيمه وأنا لا شك قبارك؟
وانته بصحه ولا تنشد شنو لوني؟
رخصتك دايم مخالفنا ترى بدارك
إلين تسأل خفاك إش له يشوفوني؟
يامؤمن الريفي أنا جيتك زبون
جيتك على مدح أكثر الناس وعنيت
جيت وتعالى الله عما يشركون
لولاه يامؤمن لطبك ماهتديت
راضي بحكم الله علي مهما يكون
عالج عيوني لو بعد طبك عميت
ودي اخاشر فالبصر من يبصرون
واشوف دربي لاسرحت ولاضويت
وودي اشوف اللي علي يعرضون
وبعض الليالي ودي اسري دون ليت
واشوف ناس ن فالقفى مايرحمون
اما وقفت لصاحبي والامشيت
من دون نظاره ولاهم يحزنون
ياكثر ماكسرت كشنات وشريت
لكن يادكتور جعلك ماتهون
ابغيك كلمة راس دامك مابديت
أسمع ولاابغى اللي وزانك يسمعون
ربي كتب لك أكشف أسراري وجيت
صورة عديل الروح عندك فالعيون
واخاف تقطعها بموسك مادريت
ولاعليك امر أطوها تحت الجفون
وعقبها لو تقطع عيوني ماشكيت
هي راس مالي والعرب مايدركون
أني على باب الممات وماحكيت
ياقو قلبي يوم قفن الضعون
اني على ذاكالموادع مابكيت
وياصبر صبري والعواذل يحسبون
اني دلهت من الهوى والا سليت
أسكت عساهم من سكاتي يسكتون
وانا على اللي في ضميري مانتهيت
وادور الفرحه مع اللي يسهرون
وان ذكروني خذت فنجال وسريت
اخذت من وقتك يادكتور العيون
عالج عيوني لو بعد طبك عميت
واستر علي واللي معك لايفطنون
انت الوحيد اللي بعد ربي دريت
تعمد تكسر ضلوعي ترى كسر الضلوع يهون
ولا كسر الخفوق اللي بكى في حزة غيابـــــك
تجازيني غلا قلبي حبيبي غايتي ‘ بالــــــدون
وانا والله قسم ما اذكر لعبت بيوم بأعصـابك
تعال ولا تخليني على جال الهوى مطعون
وانا ياما سهرت امسح دموعك من على أهدابك
حبيبي يا موردني على شط الجهل مجنون
خجل ما يردعك قلي؟ عذابي صار بأسبابك
انا مدري خفاك ألزم عليه دعوته ملعون؟
أونك وارثه يمكن لعنت اللي بعد جابك؟
تحطب قلبي الخالي عذاب ‘ من اللهب مرهون
تبي يصبح بعد صنعك رماد ٍ هش بترابك