سوالف محجوبه
انا اجيت من حيسُ ماآتيتً <<<< تحـآول تخفف دمها تسيمج
اليوم حر ولاهوب سمو فاتحه الدريشه اعاقب نفسي
والحشرات انواع الاشكال تدخل من الشبااك العازل للبراعيص والسراسير <<<ماتحب تكتبها
لكن حيلهم قوي نامسه تمشي وتقبصني ياعلي ايدي ولا خدي ماهو من زينه عاد ... بس تبي تنرفزني ..
علي فكره مافتحت الاميل ايم سوري مالي خلق ولا احد يسعلني ليش ...
مرات احب اعتكف وحدي حتي لاتفجرت ماجرح من حولي ...
موعارفه اجيب كلمه فيها تعبير لحالتي صعب الانسان يكتب وسهل انه يراجع ذاكرته براسه ..
اسمع سي دي اصـآله << شاريته ايام الصيف الماضي ...
اتعس ايام فاتت اكرها يعلها ماتعود .. احرقت ورقها والروزنامه في مهب الريح ولا بعد خذت رمادها وغطسته في نهر الجانجا \ نهر معفن بالهند .. اعتقاد انه يطهرهم من الذنوب <<خوفي صج تفكر تطمبح فيه
لاحد ياخذ في ما اكتبه تري ماني ضعيفه ايمان ولامرتده ولامتشدقه بالاخلاق واتفلسف علي الاخرين انا بحالي اعيش لحظاتي واحاول انسي امنياتي .. عمر التمني مايجي عالكيف فاحترم نفسي المتواضعه وانثبر واكتب كما حالتي الان لا اريد ان اتغزل ولا استخف دمي ولا اعكنن مزاج احد انا اكتب لاتنفس روحي المحشوره بين ضلوعي وبين رئتاي المضروبه .. ليتني ادخن احسن لي مره وحده
علي فكره شي يمكن مااحد قد يتوقعه كنت صغيره دخنت مع بنات جيراني اتحفظ علي الجناسي حفظا لاراقه الدماء اهوو امزح كنا صغار في ثالث ابتدائي وننخش بالحوش وندخن زقاير ابوها درت امي من العيون السريه ولعنت خيرنا وقعدت فتره تراقبنا مع ان اعمارنا 9 سنين لاكن زاحفات قبل هعـ ...
ومن يومها اكرهه لاشفت البكت هربت اتخيل عيون امي ناقزه من وري البرقع <<<<< هع صج
قالت عيب البنات مايسون كذا وبس ماضربتني لاكن العلم وصل ودخل براسي .. العلم ماهو ضرب نظره فيها نقد تكفي .. للي قلبه يحس .. وانا حساسه فوق ماتخيل البشريه ..
مو كاني طمرت <<<< ودكم امسح النص واكمل تسيمج
والا خلووه النص الي يبي ينقد والي يبي يعيب والي يبي يقول رايه انتهي خلاص...
تم حجب مافي الاعلي ممنوع القراءه
الاسباب عوامل عدم تشغيل المكيف رجعنا لايام الصيف والاشيا الي تحصل فيه ..