ادري ان الدرب مظلم .. والليالي مظلمه
والضرير يضيق شوفه .. بس قلبه ما يضيق ..!!
وادري ان الصبح تايه والآماني مُبهمَه
وادري اني لاغفيت بعشق لا يمكن أفيييق
يالحبيبه ذاك درب ٍ في هوانا نرسمَه
صعب يدري به عدوّ .. وصعب يصمد به رفيق !!
يوووم يهزمنا الضياع .. ويوم نقوى نهزمه
يوم يلبسنا الهدووء .. ويوم نشعلها حريق
طاري الفرقا يسوق الدمع وارجع واكتمَه
لا قويت اصبح شجاع .. ولابغيت اصبح غريق
اعذريني .. بيت فرْحي في غيابك بهدمه
بابه الليل الفزيع .. وسقفه الجرح العتيق
ضاع قلبي بالبياض ..وضاع وقتي بآعتمَه
بس لا قلتي صمدنا ..!! قلت لين آخر طريق
السؤال اللي ينغّص كل حلم ٍ نحلمه
هل يليق إنّا نكف الوجد .. والا ما يليق ؟!!
والجواب اللي تفرعن بالحنايا .. ماقدمَه
قال : لا لا لاتحمّل لهفتك مالا تطيق
صووت بُعدك ما يقطّع .. بس وصلك تمتمَه
بحّتك تمطر بسمعي .. يوم رحتي جف ريق !!
وييين اسوولف للصديق !! .. وخاف افضفض واظلمَه
كثر الله خير خيره .. بس لو يبقى صديق
والا انا همّي واعرفه .. وابتدي به واختمه
مبدأي اصبر وتظفر بالورود .. وبالرحيق
وادري ان الدرب مظلم .. والليالي مظلمه
والضرير يضيق شوفه .. بس قلبه ما يضيق !!
العرض العادي
