بببببسسسس يا فويرس ... هذا اللي في خاطرك ودك تعرفه !!!
انا اقولك وش معنى ام الخلاقين ... اسمع وانا اخيك *8 ولو ان هذا موضوع تواقيع حضور وغياب مهوب الف ليلة ولية .. بس يالله معليش بتتحملنا كاتبة الموضوع !!
في مرة من المرارات ( جمع مرة ) قدر الله على سحيلة ام الخلاقين اللي هي ( اهي مرزوقة ) وكتبت موضوع عن يومياتها يوم كانت صغيرة ,, وطلعت البلاوي والفضايح كلها يوم كانت بزر !!!
وذكرت خلال موضوعها انها كانت منشبها اهلها بمسألة الملابس ... فكانت تلبس كل يوم خلق !! يا مقطع ولا مشقوق ولا انواع تنــاسق الالوان ( اصفر واخضر ، ولا ازرق وعنابي ، ولا برتقالي واخضر فاتح !!! )
لا ولهوب كذا وبس ، كانت من زين الطبايع تروح وتزور الناس وهي لابستهم ، واذا عيوا اهلها عليها ، صاحت وقامت ترجف وترافس وتستنزل ليما يخلونها تروح بخلاقينها !! عشان يفتكون من شرها :D يعني تلبس الخلاقين مع سبق الترصد والاصرار ....
ويوم عن يوم كبرت البنية ولصقت فيها كلمة ام الخلاقين عند اهلها ومعارفها وبنات الحارة ...
وطبعا حنا هنا ما نصدق نمسك عيارة على احد الا ونلزقها فيه تلزيق ... وصراحة هي بعد تستحق اللقب عن جدارة *9
فهمت وش معنى سحيلة ام الخلاقين الحين ...