من قديمي واحببت بان اجدده من جديد هنا و اضعه بين ايديكم
على امل بان يلقى لو الشيء القليل من اعجابكم //
انا احبك ليش القسى بأقل تعبير = لا صرت انا كتاب وانتى له معاني
ما يفيد الشرح واكثر من التصوير = و ألف لك قصيده من اول و ثاني
انتى القصايد و انتى لها تفسير = انتى بوح المشاعر و ما خطه المقلماني
اكابر على جرحي وأحاول التغيير = لجل اعيش الحب إللي من الدنيا خذاني
دخل بدنياي من غير ممكن ولا تحذير = كذا فجأه لقيته انتشر بداخل كياني
حاولت امنع اللي اخافه بكره يصير = لكن النفس اغرتنى بحلو الاماني
حرام انى اجرح قليبٍ عرفته اكبير = حرام اصد و اقتله قلب هواني
كنت احاول ما يجي مني التقصير = إلين أهديتني جرحي ومن اسبابه اعاني
ان كان جرحي من الله شامل التقدير = فأنا صابر على ما ربي به بلاني
وان كان جرحي منك مابغى منك تبرير = ارحل والله يسامح قلبي اللي رماني
هاجري و اتركي جرح قلبي لك تذاكير = إلين ما هزك الشوق وترجع وتلقاني
تذكر ترى حبل الصبر عندي قصير = اخاف ترجع وانا قطعته من ثواني
واليوم انا اسف حبيبي خانك التقدير = ترى حبيبك الاول صار انسان ثاني
ما عادني ذاك الطفل اللي خبرته غرير = انا كبرت والكبر لله عالي الشاني
عاندت القلم و قررت انا اخليه = يكتب مافي داخلي وانهي المشكلة
اثر المكان إللي انت إتكون بيه = اكرهه مدري كذا نفسي ما تتقبلة
اعرف ان نفسي تريده و تهويه = المكان إللي إحتضن اول مقابلة
سبحان من يغير بمخاليق ترجيه = انا ارتجيته انه ينسيني المسألة
اجد ان الذكرى بداخلي تحييه = أأمر عقلي بضغط كوابح الفرملة
كي لا يعيد مأساةٍ حادث هو فيه = يعرفه الكثير و الأغلبيه منكم تجهلة
أكثرت الحكي و المختصر ابغيه = مبغى يطول الحكي وسامع يتمللة
لقيت القلم يكتب وما ضغطت عليه = انتهى حبره وانا منهيت المشكلة
كسرت القلم وقررت انا ارميه = مثل صورتك رميتها بسلة المهملة
مشكلتك تطاوع إللي بكلامة غشـاش =وياكم واحد منا طاوع قليلين الحيالي
كان حبي لـك ماهـو علـى مـاش =تشهد علي النجوم كم سامرتها ليالي
كتبت لك عشقي على بياض الشـاش =احبك و احبك ثم احبك ولا رديتها لي
أثرك معى غيري على عيونك إغشاش=ملهيك عني وانا انطرك ياعز غالـي
مات الغلا والحب لفيته بقطعه إقماش=دفنته في الثراء معاده بـراس مالـي
من خانني بالهوا لا عاش لا عـاش=من باعني بالمحبه بعته وما طرالـي
من شراني بالمحبه لو بقيمه إقشاش=رفعته فوق ذا الراس لي تاج عالـي
في شفاتي اليوم ضحكه يتيمه = مات السبب فيها و اندفن
هذي حالتي من نكته قديمه = من سبها دموعي هلت و اذرفن
النديم اللي يقول انك نديمه = وبكره احاسيسه من مشاعرك اطرفن
عظم الله اجر قلبي في حطيمه = ويلهم حناياي الصبر ويا الجفن
حالت الدنيا منتصر ولا هزيمه = مثل الخساره للي بمرماه اهدفن
الشاطر اللي يقوي الشكيمه = ويأمن بربي و اقداره اذا اصدفن
هذي حالتي من نكته قديمه = من سبها دموعي هلت و اذرفن
النديم اللي يقول انك نديمه = وبكره احاسيسه من مشاعرك اطرفن
الجو غيم وفيه حيا وزخات أمطار = وعلى ذاك الجبل جالس اهز نوماسي
اتذكرت اوراقي وجلست الدار و الأشعار = و ثري مبطيٍ ما كتبت شيء من إحساسي
قلت يالله ابكتب توكلت بالواحد القهار = و إتبلورت فكره بعقلي مربوطه بترباسي
الفكره ساقتني إلين طحت في بصمت العار = حشاكم الله من العار وسواس خناسي
الشايب اللي رجل بجنه ورجل في نار = محد منا معصوم والخطاء ماله إقياسي
قبل شهرين او اكثر رئيته جالسٍ بالبار = على يمناه وسكي وعلى يسراه بنت سواسي
ملوم الشايب اللي يقرقع الكاس بالسار = مبسوط طاير من الفرحه مكموخ الراسي
وصار حكاية الرايح وعلى للسان المار = طاح وسط الخلق من السكره وبه إعطاسي
اثر الشايب يتلفظ انفاسه وبحاله إسكار = يالله تحسن خواتمنا موقفٍ يذكر المتناسي
اللي نسى ربه و قومت اول الأسحار = اللي متمادي بالخطاء ويشهربه مع الجلاسي
الدنيا لاهي دايمه تروها كلها إغبار = صحيح فيها اللي يسر وفيها الحظ متقاسي
البخيت اللي يخاف من ربه الجبار = إللي يحسب إحساب بكره اذا احتاسي
هذي فكرتي يوم الجو فيه امطار = حاولت إني اقفلها لكن ودي اذكر المتناسي
نويت الليلة صوب ذكراك أسري = و أدري إني بألقاك سراب ٍ تلوحين
و أرسم سرابك بلوحة من حبري = عسى سرابك يبرر لي ليه تغيبين
يا غايب ٍ طالت أيام صبري = و إنت قايل بتغيب لك يومين
ومن يومها رحى الوقت تجري = ترحى الأمل اللي مضمونه تردين
لو إن الغياب ينشرى بشري = غيابك اللي صار له عامين
غبت و صاب القلب عطاب ٍ و كدري = و أوقدت بداخله نار ٍ كما نارين
الأوله سواك ارخصت به قدري = و أنت قدرك تعدى إسهيل بمنزلين
و الثانية يا مجبور نويت البارحه كسري = من بعد ما بلسمت لك الكسرين
و غديت ما بين مدك و جذري = تايه وسط البحر صار لي شهرين
مدري القمر يحرض الموج بغدري = و لا يبي يحل معضلتي بحلين
الأول إني اتلاحق سنين عمري = ضاعت و أنا أطرد السراب حولين
والثاني إني بحالتي الليلة أدري = إني ما خسرت غالي لو عني تبعدين
إللي يغيب كذا من دون عذري = أنساه والله يقطع البارح من السنين
دام العمر ماشي ما يهمك يا كسري = بتنجبر و أتذكر هذي السطرين
نويت انا اليوم انهي العلاقة = و اطمس بإدي ما بقى وكان مكنون
وانثر هنيا ما دعى لشفاقة = وريد قلبي منه نازف وصار مطعون
انشدك يا فلان وشهي الحماقة = لاصرت تفعل ما يفعله كل ملعون
تلبس لباس الحب وهذي مراقة = واكيد تعرف مقصدي وشهو به يجازون
واكثر كلامك "أف" وشذي الملاقة = يعني بحكينا ترفع الضغط مليون
مريض قلبك و السبب فيك عاقة = ما يعطي الشي فاقده لو منه يشرون
والله تجهل وش معنى فراقة = تكره سنينك من بعد ما كنت مفتون
لقال طارق يا فلان بنهي العلاقة = قربه يصير بعد سماء عن الكون