لك وحشة ما هي مثل باقي الناس
لو أفقدك ساعة تذكرتك سنين
أحس في حبك و لا غيرك احساس
أنت الوحيد اللي ملا ناظر العين
شوقي ترى ماله حدود و مقياس
من وين أببدي ميزة الحب من وين ؟
حبك و لا مثله ملا العين و الراس
و لا فيه مثلك يشبهك ناس حلوين
أوله ليا من غبت و افقدك و احتاس
تقلب حياتي كلها يسار و يمين
ملكت قلبي و اصبح القلب مجلاس
و حطيت عرش الحب في وسط قلبين !
قلبي معك كنه معلق له أجراس
يا نبض شرياني و يا اعز غالين
افرح ليا شفتك و اقول لك لا باس
زدني بعشقك و افتح القلب نصين
فدوة لعينك ما ابي غيرك انفاس
انت الحبيب و كل ما تفعله زين
وحشه في خاطري مالها حد ،،
في غيبتك كل المشاعر تنادي ..
كل الوجيه اللي غدت تصد عني ...
اقول : روحوا لا تردون عادي ،،
الا [ انت ]
اشتاق لك من جد ،،
احس لك وحشه تقطع فؤادي ,,
يا طيب حظي كان انا حلم دنياك
ياللي تقول اني أمانك و خوفك
تحبني؟ ..أدري حكالي محيّاك
رعشة يدينك و ارتباكة حروفك
ياللي الوفا هو بعض أصغر مزاياك
حملي ثقيل و وافياتٍ كتوفك
تشيل همي دوم كنّي أنا اياك
صارت ظروفي مو ظروفي ..ظروفك
إن جيت ابحكي عن بهاك و سجاياك
كيف اوفي أخلاقك و باهرو صوفك
و ان جيت الاقي لك خطايا خطاياك
أطيب قلوب الخلق ساكن بجوفك
وشلون ما احبك و هذي سواياك؟!
وشلون ما أهديك عمري فكفوفك؟!
يا قلب قلبي وش حياتي بلياك؟!
تسلم عيوني دامها هي تشوفك
العرض العادي
