تِصَدِّقِ .. السَهَر يَرْسِمْ عيُوني ويتْقِنْ التصوير
ويشِقْ النُور في صفحة حياتي .. وما ألاقيني
أنامْ شلونْ ؟ ومشكلتي عِجزتْ ألقى لَهَا تدبير
طِلَبتْ النُومْ .. لحظاته و عيَّى النُوم , يعطيني
يا أغلى مِنْ رَحَل عنِّي يا كِلْ الحُبْ والتقدير
تعَالِ: إنْ كان لِي عِندِكْ مَعَزَّه وكان تغليني
تعَالِ: إنْ كِنتِ تعشقيني وإذا فِعلاً تبي لي خير
تعَالِ: ومِدِ لِي .. كَفْ الوَصِلْ .. وآمِد كَفيني