/
يجتثنا الفراق من سعادتنا
ويصلبنا على جذع الحنين / الانين ..نتألم ..نبكي
حينها وعندما يخذلنا البوح .. لانجد أصدق من الدمع تعبير
ونتمتم بأحرف علَّها تجيدالنطق بما عجزت عنه افواهنا
/
حتى الدَّمِـــعْ ماعاد فيني وأهلَّه
اللي بجوفي شي / واكبر من الآهـ
شيِّـ(ن) زرع بالقلب "مليــون علَّه"
واسقى التعب في داخله ضيم ويلاه
ماهـي جديده ضيقتي "ويشهد اللهْ"
(هذا الفراق المر كم لي وانا اخشاه )!
حظــي واعَــرْفَه ...كل همـ(ن) يتلَّه !
قلبي وودَّع ....خافقٍ كم تمنَّـــــاه !!!
منهو يلومه / بعد ماراح خلَّــــه ؟!..
لو "ونْ صوته" كنَّـــــه الموت يغشاه..
يا ليت هاللحظة توقِّـــف واقلّه ...
اني اموت بكل روحي ولا انساه..
واني على فرقـــاه ,, قلـــــبي يتله !
حزن الفراق و لحظة موااااادع شفاه
اجمل حبيبٍ ساكن الكون كله ..
واحن مخـلوقٍ على القلب وادفاه..
ماعاد لي عقبه " حبيب اسْتِظِلَّه"..
لو قيض وقتي جرَّح القلب وادمـــاه..
تاااااايه ولا لي درب ..يمكن أدلَّــــه !
تدرون وش يعني اذا الدرب بك تاه؟
يعني تعيش : ونبضك البُعد شلَّه !..
يعني تشوف الناس من دونه اشبــاه..
يعني يمـــر الوقت مُجبر / تمَّـــــله ..
حتى النفس بك ضاع مآعاد تلقاه !
اودِّعك / وادري بحبــــك وأجلَّه ..
واشعر بضيق القلب يسكن حناياه!
لكن طلبتك : ودِّع الهـــم خلَّه ..
كلَّه ولا ضيقك ترى جد مـ آقواه
واعذر خفوقي ان حصل منْه زلَّه
ياقلبه اللي غايتي صارت رضاه ..
: