تفرعن حب ريانه بداخل مهجتي والموت
الى مني عشقته صدق وأدمنته وخلاني
مثل غصن ٍ نشف ميه وريقه لي شراب التوت
أنا مدمن عطر جسمه وصدره لي وطن ثاني
نثر درّ .. وفرش لؤلؤ .. بأرضه والسما ياقوت
تزلزل سبع أراضيها .. بقد ٍ هز وجداني
لذا واجب علي ترفق لأن بأسمها منحوت
هنا بين الضلوع الحدب كتبته جرح وأدماني
أشوش بحبها ترجع .. ليالي معركة جالوت
أنا فارس لعيناها .. على اللي هو تحداني
وأناأدري ما تعنيت يوم لبابل والملك هاروت
ولا كانت بداياتي طلاسم من سحر جاني
شياطين الغرام تزوم ولا به مارد و طاغوت
يحاول أو بعد يقدر .. شياطيني تولاني
لها حنده رومنسيه .. لها دحه تهيب الموت
لها صفت ولا صفت لها الحاضر لها الفاني
يغرد بالملا يطرب قلوب ٍ عشقها مكبوت
لها .. معها .. بها .. أبها بيوت الشعر والاحاني
تصيح من القهر تضجر .. تلج ولا ترد الصوت
لها قلبي .. غدا قليبي .. لها كلي ولا أمداني
لذلك رافع أيديني بحق اللي بلعه الحوت
وحق الطيب والمعروف وحق المبسم الجاني
تظل عندي // هنا بقلبي // هنا تحيا // هنا وتموت
عليم الله أدمنتك .. وربي أعشق أدماني
العرض العادي
