~{وشـ تقـــــول للي فــي بآلــــكـ .....}~

[ρùℓşέ]

اللــہ وگيييلڪ "ســؤآلــڪ" بسس يگفييينــي ..

يــرووح گــل المــرض .. إن قلــت : وشلــوونــڪ .. ؟

[رهيـ عيونها ــن]

احسب حسابك صح واتخيل معي
غايب غيابك شهر والساعه بيوم
صوت الليالي زوبعه في مخدعي
طالت بطول الشوق والسهره هموم
وتقول احبك ايه داعب مسمعي
الحب جمره تشتعل بالوصل دووم
اسهر دموعي ما تفارق موضعي
اسهر وعينك هاجعه في لذ نوم
الشوق واضح وارسمه في ادمعي
واشوف شوقك ملتهي بين العموم
صرت انتظر والنار ضمت اضلعي
واقول يمكن يا عسى توصل علوم
حتى السوالف من متى بالك يعي
هايم وشارد سارحن بين النجوم
واحسب حسابك صح واتخيل معي
يمكن اعاند واهجرك من بعد لوم

[ρùℓşέ]

سألته: قلت له بسألك..من اللي عآأإيش { بكونـك
من اللي تـحـبه ويـحـبك من اللي تسهـرهـ ليلـه

بـ(غ)ـيته يقول لي إنتـي بـ(غ)ـيتـه يقـول : مجنونـك
ولكن قـال : مابه حـدّ ..علـى نيآتـه يـحـليلـه

ضـحـكت وضـحـكتي تعسه.. وقلت : { ياحظها ظنونك } !!
وقال لي لا دخيلك لا ... مابي هـمـ (ن) أشيلـه

قلت له شوف من حـولك بـ ( تلقىآأإ ) من يـحـبونك
تلفت.. قال مابه حـدّ .. وأنا اللي قاعدهـ أشكي لـه !

[بنت قطر*]

انقش على كفوف الصــباح .. التفاؤل ..!!
وارسم على وجـــه الليالي.. ابتسامات

لأنّ العــمـــر .. في كل يوم.. ايتضائل
وان ما زرعتالفــــرْح.. بيموت بسكات..!!

[رهيـ عيونها ــن]

و أظل بحسرتي واقف على بابك ثمان شهـور
وشايل قلبي اللي منتحـل مـن كثـرة غيابـك
أمني نفسي بشوفك .. وأصبر خاطرٍ مكسـور
عساه بيوم يلقى جيتـك .. ويطـول ترحابـك
ثمان شهور يا قاسي.. وحلمي يا قمر بالنـور
متى تضوي مساي وعتمتي تنـزاح بأسبابـك؟
بدونك ما غفى جفني.. ولاني بغيبتك مسـرور
تغيب وما تراسـل قلبـي الملهـوف لكتابـك؟
تعبت أنشد عن أعلومك.. ولكن الأمل مبتـور
تعبت أنشد عن آخر ما بقا وأحياك واحيا بـك
تعبت وما بقى فيني تعب يا صاحبـي معـذور
نحل جسمي ..عمت عيني ..وبقا بالبال جلبابك
يسلي وحدتي في غيبتك ..وايطمـن المستـور
صدى للذكريات اللي احفرت ماضيك بأحبابـك
غرامك باقي بقلبي .. وحبك محتمـي بالسـور
أحبك.. ليت كل اللي أخـذك لدنيتـي جابـك
و إذا خوفك جبرك اتقول لي يا منيتي مجبور!
أنا خوفي جبرني يا غلا هالكون اشقـا بـك!
تفضل هذي أنفاسي.. وسط صدري ثمان شهور
ذبحها شوقها لصدرك وانا واقف علـى بابـك

[تح ـــدوووه الناس]

أنا مدري ولكني اساير خطوتي بالهون
اضيع بشارع مظلم واتبع ظل عذالي ..!!

[بنت قطر*]

ياشِقِيقَ المِطَرْ .. جوفي يِبَسْ .. وَ انْتـ .. مَاءْ
........................ إهْطِل إهْطِل .. وِبلّ ارْجَاه .. وَ أعْشَابَها ..!
طِفْلِتَكْ ... مَاحْلَمَتْ بَالمُسْتَحِيل .. انّمّا :
........................ حِلْمَهَا ... مَاتِعِيشْ الّا مَعَ .. احْبَابَهَا ...!

[رهيـ عيونها ــن]

ناوي على فراق؟! ولاّ الهـمّ ناوينـي؟
ولاّ علـى مقتلـي داعيـك شيطانـي


أدميت قلبـي بصـدّك بـأول سنينـي
واليوم../ ناوي تكملهـا وتنسانـي؟!!


توّي فرحت ب"أحبك" قبـل يومينـي
ومن قبل لاتكتمل../ تنوي بهجرانـي؟؟


وليه؟وش جـاك منّـي يانظـر عينـي
مااذكر جرحتك../ ولا نقّصت تحنانـي


نزفت لك../ كل قطره مـن شرايينـي
وأرخصت لك../ كل دمعه بين الأجفاني


بعت البشر كلها../ من شـان تغلينـي
ماهمني كل شخصٍ../ بعـدك أغلانـي


شريت حبـك../ ولبسّتـه دواوينـي
وصار إسمك ملازمٍ../ لأسمي وعنوانـي


وإذا طرا لي غرامـك../ بينـي وبينـي
يسترّ به خاطـري../ ويبـدد أحزانـي


أحييت جمرٍ رمد../ له حـول عامينـي
وحرّكت بي../ كل أحاسيسي و وجداني


كنت بظلامي../ مثـل نجـمٍ يقدينـي
ألجى له../ إن ضاعت الوجهه من أعياني


من بعد غربة عمر../ قصّت جناحينـي
شفت بسماك الأمل../ واطلقت جنحاني


وشفت بعيونك حياه../ وعشتها دينـي
جيتك طليب../ ورجعت اخطاي ديّاني


على رصيف الشقا../ ضاعت عناوينـي
كنّي بكوكب../ وقلبي بكوكبٍ ثانـي


لين إنت جيت../ وشبكت إيديك بيديني
وأخذتني يابعـد روحـي بالأحضانـي


من يومهـا../ جتنـي الدنيـا تهنينـي
كنّ الفرح../ من صغـر سنّـي تبنّانـي


وصـرت آتفاخـر بحبـك يامعنينـي
كنّي على الأرض../ لي ملكي وسلطاني


وكن البشر../ من كبر ملكي تعادينـي
فيك احسدوني../ وربي منهـم انجانـي


لو يدري الناس../ ماتملك مـن الزينـي
مالامني بالهوى../ في حبّـك انسانـي


ولو يحكي الغيم عـن طهـر البساتينـي
ماغـرّد الطيـر إلاّ فـوق الأغصانـي


لاتبتعـد../ خلّـك بجنبـي تراعينـي
راجع قرارك../ وعوّد لي علـى شانـي


مايقتل العاشـق إلا../ هـمّ جرحينـي
جرح الموادع../وجرح إنسان خوّانـي

[سوسو ..~]

بدأت انعس ×_×

[رهيـ عيونها ــن]

كل كلمات الهوى واجمل خصال
ما توفي قدر شعره يا حضور


اشهدو ان العشق ملح الرجال
لاجلها اهجم احطم كل سور


حبها الاول وقلبي فيها مال
ساكنه نبضي وروحي والشعور


سعرها غالي وما يوفيه مال
حتى لو نجمع درر كل البحور


ولو ادور من جنوبي والشمال
والله ما مثلك خلق ربي الغفور


مثل قمره بالعسل ياقوت غال
لؤلؤه بالطيب فاحت عطر نور


شفتها يا ناس صدفه كالخيال
دق قلبي حن مجنونن يثور


قلت بالله انتظر اسئل سؤال
قالت اسئل يالغلا تلقى السرور


قلت احس اني مقيد بالحبال
وش جرالي ترتجف حتى السطور


قالت اهدأ قلت ما اهدا محال
صرت انا فى الآسر واحمل كل جور


قالت ابعد وانسى يا ولد الحلال
قلت البس هالكفن واسكن قبور


لو اذوق المر واتحمل جبال
لو اضم النار واحضنها دهور


ما افارق ما تركتك يا غزال
وانا صابر فى سنيني والشهور


لان حبك اولا فيني وتال
واسمعي آهات قلبي فى الصدور


انتي حظي امنياتي واغلا فال
منهو يقدر يتركك كاذب وزور


سحر طيفك ما يفارق كل بال
انتي قلب الماس والباقي قشور


افهمي بالله شرحي والمقال
صرتي كنك فى فؤادي من عصور


ارحمي واسقيني ساعه بالوصال
واسعدي قلبن بافلاكك يدور


انتِ عذب الحب طاهر كالزلال
لو تركتك ينتهي ضامي غرور