يالله لاتجزا هل الريم بالخير
حسبي عليهم ليه شدو عن الدار
يا كن في قلبي قهر سالم الزيـــــر
من يوم شفت الجمس جهز للاسفار
شالو عليه العفش في حزة عصير
ياعل سواقه يعرض للاخطار
نشدت اخوها قلت وش فيه يا منـــير
طفلٍ غر يـــر ولا يعلم بالاســرار
الطفل شيـــبني ونا توي صغير
يقول ابويه قال نرحل ونختار
دام التقاعد حل ما من تدابــير
ماعاد له في نجد مبنى ومعمار
جيت الحبيب وقلت له قصدي اشـــير
يا زين انا من حامي الوضع محتار
ترحل وتتركني سجين التفاكير
وغير الصور ماعاد لي فيك تذكار
ياللأسف ما عاد لك من معاذير
تنسى الرسول اللي موصي على الجار
قال الوداع وقلت مامن تباشــير
الله لايرحمك يا موقد النار
>> امزح والله 
> خايفه ~~ 
العرض العادي
