اولا : انا قلت وجهة نظر .. واللي يحب يناقش لا بد انه يعرف ادبيات الحوار ..
ثانيا : انتي بديتي ردك بقولك .. الناقد سيف الغرام رغم اني كتبت اني مش ناقد .. وهذا استهجان مش مقبول من شخص يبي يحاور ..
ثالثا : انتي تقولين بتعطيني حصة في شرح القصائد .. واذا حبيت ارد عليك بنفس الاسلوب .. بقولك (والعذر والسموحة من المشرفين والقراء) اذا على قصيدتك هذي يبي لك عشرين سنة عشان تعلمين سيف الغرام .
رابعا : انتي شرحتي البيت الا كنت ادور على الرابط بين الشطرين فيه ..
وان ماقسم ربي لقى حبـي امـون
لو اطلبك قلبـك بهـا مـن غرابـه
وابيك تشرحين في هالحصة على قولتك .. نصف الشطر على الاقل .. (بها من غرابة) هل هو تساؤل ام اجابة .. انتي ودك تقولين انك لو طلبيتيه قلبه اكيد انتي تمونين ومافيها شي يدعو للغرابة .. لكن خانك التعبير .
خامسا : تقولين ان الجنس الناعم قابل للخدش .. وانتي عارفة اني ما تطرقت لشخصك بأي كلمة .. على العكس تماما كان مجرد تساؤل موجه للي ردوا عليك ..
سادسا : لا تتوقعين ان كل من يقرا لك انه لازم يثني عليك .. حتى لو مجبور لسبب او اخر .
سابعا : انا اتكلم عن حقائق وفي هذا المنتدى اللي يضمنا جميعا .. ارجعي للقائمة وشوفي القصايد المذيلة بأسماء نسائية وشوفي عدد الردود الخيالي اللي يقارب الالف او اكثر .. وقارني هالردود بالردود على قصائد الشعراء من الشباب .. وانا متأكد لو كان احد النقاد الشعبيين موجود كان يقول ان قصيدة واحدة من قصائد الشباب اللي مالها نصيب من هالردود تساوي كل القصائد النسائية الموجودة .
ثامنا : انتي مشيتي على طريقة " إن لم تكن معي فأنت ضدي "
تاسعا : انا ما تعودت اكتب بهذي الطريقة .. لكن ما ارضى احد يستفزني بمجرد اني قدمت وجهة نظر .
ادلهمّت ليلة البرااااااق واشعلتي الفتيل .. ومن طلبنا للمســــــــــايل ما جحدناه الجواب جلجلت فيني الحروف ورابني برد المقيل .. ومن عرف حدّه بنفسه ما وطى درب العذاب
تحياتي ..
الشاعر / سيـ الغرام ـف