للشعر موقف .. يا دعانا لنا زان=ننظم اجزاله .. ما علينا كلوفه
واليوم اشوف الوقت ياهاجسي حان=لملم شتات الفكر واشّهِر اسيوفه
وصّل سلامي لـ ( ..... ) دون حسبان=وقلّه .. عدد خط القلم في احروفه
امساامحك .. من قلب وعيون ولساااان=الشاهد اللي شايف ولا انشوفه
منك السموحه .. شاهد القول برهان=ومثلك يسامح من تدنّت اظروفه
اللي مثل شرواك .. تفداه الأعيان=ويفده قلب(ن) له تدانت اقطوفه
قلبي اسيرك وانت حاكم وسجّان=وطيب المعزّب شاهده من اضيوفه
لو الآوادم تعلم الغيب ما كان=قلبي على بابك يطوّل اوقوفه!
انا على قربك شفوق(ن) وشفقان=ياقمر ليل(ن) .. ما بدا به اخسوفه
لا غبت عنّي .. غيّبت كل الألوان=حتى شعاع الشمس يشكي اكسوفه!
سبحان من صوّرك يالحسن سبحان=فيك الحلا متجمّعات(ن) اصنوفه!
وشلون ..! ابذكر كل وصفك بقيفان=وانت الذي بالعون تندر اوصوفه!
دامك معي ماني على شي ندمان=وان رحت قلبي قام يصفق اكفوفه!
ابقى معك ماهمني غيرك انسان=ولا ابدي على غيرك كثير الحسوفه
لولا الحياء حطّيت ( .... ) الأعلان=وبيّنت لك خاف السرير ابصفوفه
ولو العيون اتشوف في غب الأبدان=فتحت جوفي لاجل عينك اتشوفه
ادري ومهما قلت من حلف وايمان=ما يفيد قلبي لو تزايد احلوفه
العرض الشجري
