الحوار المثالي و السـاخن بين الشبـاااب والبنــاااات .

[حــنــونــه]

طعم الايام
اول شكرا لمشاركتك
ثانين
كثرة (المشاوير
يعني مين يودينا مشاويرنا سواق الجيران او ناخذ تكسي ونتو موجودين
مين لنا غيركم الله يخليك لنا

ثالثن




المهم بستغل نقطتك الاخيرة واقلبها لهجوووم عليكم ^_^ انتم معروفين بالجحود ونكران
الجميل ... كما قال صلى الله عليه وسلم عندما سأل عن سبب أكثر اهل النار من النساء ذكر
هذه الصفة : ( إنهن يكفرن العشير... الحديث) ماهو السبب ؟؟


يعني ليه امعلقين على هل ايه بس ايه وحده جات في النساا بسبت السينتهم الي تقرقر

وتاركين الايات الي تكررت كثير مثل


قال الله تعالى(يَا أَيُّهَا الَّذِينَ آمَنُوا قُوا أَنفُسَكُمْ وَأَهْلِيكُمْ نَارًا وَقُودُهَا النَّاسُ وَالْحِجَارَةُ عَلَيْهَا مَلَائِكَةٌ غِلَاظٌ شِدَادٌ لَا يَعْصُونَ اللَّهَ مَا أَمَرَهُمْ وَيَفْعَلُونَ مَا يُؤْمَرُونَِ)


وصدقني احنا اوفا مخلوق على هل جه الارض
وسال امك عن ابوك اذا ذمته قول
اذا سالنا حد عن ازواجنا من قول عنهم الا كل خير عمرنا مشتكينا
حت لو امقصر معانا

واذا احتجتو شي او صرتو في ضيق اول من يعطيك ذهبها اهي وتقولك فداك الدهب وراعيته

بعد ميخذ الدهب ويفك الضيقه عادي اذا جات ذيك انذخه عادي اذا ردلها طلب
وتحدا احد هرجال عوضه بدال ذهبها
او عوضها حب وحنان طيبه
اتحدا

ماعندي سوال لي عوده

[طعم الايام]

هلا وغلا اختي hanona احييك مرة ثااانية ^_^

اول شيء يالغالية كثرة المشاوير ليست سبب التذمر السبب عادة يكون إنه مافيه تنسيق
بين المشاوير يعني على سبيل المثال مشوار في ايكيا وعقبه الفيصلية تلقيننا نتذمر يعني
على الاقل التذمر نوع من الترويح عن النفس ولا إحنا نوديكم تآمرون امر^_^ بس ترا
البنزين عليكم خخخخخخخ

------------------------------------------------------------------------------------------

بالنسبة للحديث هو تفصيل وتفسير للآية : الناس المذكورة بالآية اكثرهم النساء والاسباب
ذكرها سولنا صلى الله عليه وسلم ومنها (كفر العشير) يعني لم يتغير شيء بالمعني !!

-----------------------------------------------------------------------------------------

ومكانة المرأة اختي hanona محفوظة ومافي انسان يشكك فيها بالعكس خلف كل رجل
عظيم إمرأة ومافي احد ممكن يشكك في وفاءها واخلاصها هذا كلنا متفقين عليه وفي نفس
الوقت ماننسى مكانة الرجل وحبه للمرأة كأم وكزوجة و .... الخ يعني زي ماخصصت رجال
يفكون ضيقتهم بذهب زوجته ثم يجحدها أيضا في احيان يكون الرجل طيب والمرأة تحب
المظاهر وتقص ظهرة بالطلبااات والمظاهر منتشرة هاليومين بين البنااات ...
وفيه كثير من الرجال اول ماتقول زوجته (أي) يركض فيها للمتشفى من خوفه عليها ...

المهم بعيد عن التعصب المرأة والرجل عينين في رأس لازم نتكلم عن الاكثر واذا احد منهم
عنده سلوكيات خطا ساعتها نقول : لكل قاعدة شواذ ^_^ وبانتظار عودتك وسؤالك .

[نديم الطيف]

ياشباب وصبايا ابي تفالع مع سؤالي بلييييييييييييييييييييييييييييزمن كل واحد يقراه


س/لو ان البنات يمشون متسترات هل الشباب بيغازولونهم؟



(من ناحية الشباب والله حنا نقدر البنت المستتره ومانبي نطالعها من كثر حشمتها)



وتحياتي ابي جواب من كل وحده تقرا السؤال

تحياتي موكــــــــــــــــــــــــــا

[كتكووت]

السلام عليكم ورحمة الله وبركاته


انا بسأل نفس ؤال اخوي موكا : يعني لو البنت متستره وتمشي حالها حال نفسها بيتعرض لها احد ؟؟؟


بعدين انا ما فيه شي قاهرني ورافع ضغطي وفاقع مرارتي الا البنت الي تشوف شي من شاب قد يكون ناقص عقل او طفل او دلوع او او او .... وتجي وتعم على جمييييييييييع الشباب !!!

ليه ابي افهم ؟ يا ليت القى جواب من البنات !!

تحيااااتي

[رنـــــدا]

مرحبا جميعا

اقتباس انا بسأل نفس ؤال اخوي موكا : يعني لو البنت متستره وتمشي حالها حال نفسها بيتعرض لها احد ؟؟؟

لا... البنت المستتره والمحترمه مااحد يتعرض لها لسبب انه مايقدر!!


سؤالي

أنتم ايش تستفيدون لما تتعرضوا لبنت بالسوق او غيره سواء مسستتره او لا؟؟؟

اقتباس بعدين انا ما فيه شي قاهرني ورافع ضغطي وفاقع مرارتي الا البنت الي تشوف شي من شاب قد يكون ناقص عقل او طفل او دلوع او او او .... وتجي وتعم على جمييييييييييع الشباب !!!

التعميم للأسف موجود عند الكل حتى الشباب

اي شي يشووفه من بنت (ماتستحي بلا مؤاخذه) يعممه على الكل للأسف

[كتكووت]

مرحبااااا


اختي رندا انا معك ان الشاب ما يقدر يتعرض البنت المتستره ليش أنها فارضه احترامها على الغير مو عشانه ما يقدر يسوي شي !

وانا بكلامي هذا ما ادعو الشباب انهم يتعرضون البنات بس انتي تقولين وش تستفيدون ؟؟ طبعا ما نستفيد شي .. بس لا تجي وحده لابسه من هالعبايات المخصره و... الخ ويتعرض لها شاب من الشباب وتسويها فضيحه وتعم على كل الشباب !!
لو هي ما تبي انه احد يتعرض لها ؟؟ كان ما لبست اللبس !!! المشخلع !!! على قولتهم



رندا بعدين من قالك ان الشباب يعمون مثل البنات ؟!
لو الشباب يعمون ؟؟ كان ما قلنا ان فيه بنات محترمات بلبسهم ومشيتهم بالاسواق او بأي مكان عام !


بس انتم ما تصدقون تشوفون من اي شاب ناقص اي شي !! الا وتعمون على الشباب كلهم ؟

[رنـــــدا]

اقتباس اختي رندا انا معك ان الشاب ما يقدر يتعرض البنت المتستره ليش أنها فارضه احترامها على الغير مو عشانه ما يقدر يسوي شي !

ولانها فارضه احترامها محد بيقدر يقرب لها

اقتباس بس لا تجي وحده لابسه من هالعبايات المخصره و... الخ ويتعرض لها شاب من الشباب وتسويها فضيحه وتعم على كل الشباب !!

طيب .. ليه يتعرض لها؟؟ سوا لبست مخصر اولا ..سوا تبرجت او احتشمت

ليه يتعرض لها؟

ليه يقلل من قيمة نفسه قدام نفسه قبل الغير

اقتباس رندا بعدين من قالك ان الشباب يعمون مثل البنات ؟! لو الشباب يعمون ؟؟ كان ما قلنا ان فيه بنات محترمات بلبسهم ومشيتهم بالاسواق او بأي مكان عام !

انا ماقول انه الشباب يعممون لوحدهم...اقول التعميم ظاهره للأسف بالمجتمع كله

يعني خطأ من شخص ممكن يعم بسؤه العائله كلها

[كتكووت]

مساااااااااااء الورد



اختي رندا ,, ابجاوبك على سؤالك ,, انتي تقولين ليه يتعرض لها سؤاء متبرجه او غير متبرجه ؟؟

اذا صارت البنت غير متبرجه وماشيه بأحترامها ما راح احد يجيها ,,

اما اذا صارت متبرجه ومثل ما قلت مخصر ولثم وخرابيط ,,, يتعرض لها الشاب لأنها هي تبي ان الشاب يتعرض لها !!!

على قولة المثل ما فيه دخان من غير نار !

يعني مثلا فيه شاب ماشي حاله حال نفسه وما له بالشيطان طريق

راح لسوق او اي مكان وشاف وحده مغريه بكل ما تعنيه الكلمه

وش موقفه بذيك اللحظه ؟؟ وحطي ببالك ان الشيطان حريص !!!

اكيد بيلعب براسه بيقول هاذي ما طلعت باللبس هذا الا انه فيه مقصد من ورى طلعتها !!

على العموم الله يكفينا الشر والله يحمينا ويحمي اهلنا وجميع المسلمين من كل بلى

أسعدني النقاش معك اختي رندا

تحياااااااااااااااتي



سؤال اوجهه للبنات : وش اسباب تعدد الجوالات معظم البنات ؟؟ انا اقصد من البنات الي مسويه فيها سيده اعمل تلقى معها جوالين او ثلاثه وطبعا ما تخلى من بطاقات السوى !!


يا ليت القى اجابه


آسف على الاطاااله

[رنـــــدا]

اقتباس وش موقفه بذيك اللحظه ؟؟ وحطي ببالك ان الشيطان حريص !!!

يعني سلم رجولته وشهامته وكبريائه لشيطان نفسه؟؟


سؤالك كتكوت يقوووووووول

اقتباس سؤال اوجهه للبنات : وش اسباب تعدد الجوالات معظم البنات ؟؟ انا اقصد من البنات الي مسويه فيها سيده اعمل تلقى معها جوالين او ثلاثه وطبعا ما تخلى من بطاقات السوى !!

ماعمري شفت بنت معها جوالين ...بصراحه... واحد ويكح بعد<< يكح بمعنى يخب

من وين جبت هالمعلومات بالله

[كتكووت]

سلم نفسه رجولته لشيطان نفسه ؟؟؟


الحين ليه الشاب هو الغلطان ؟؟ طيب البنت غلطانه بعد ليه تبرئينها ؟؟؟


لا عندهم وزياده بعد انا يا رندا اشتتغل بمستشفى وكثر من الموظفات الي عندنا اشوف معها جوال جوالين وبعضهن ثلاث جوالات !!!


وموب شرط بالمستشفى كلن يدري ان موضه البنات جوالين واحد عام والثاني سوى !!!!