مآيلزمـטּـي » عـنـوـآטּ « لانـك آجمـًل عنـآويـטּـي..

[., {.ٍ بكِـــيتُكّ ,.]

البارحة من صافي الدمع هليت
ودموع عيني نثرت كل ماها
والصدر ضاق من العنا والتناهيت
والقلب يشكي من هواي وهواها
والبارحة كله وأبا النوم وأزريت
بس أتذكر كلمت له رماها
راحت ورحت وقلت يمكن تناسيت
واثر البلى فجروح وصلت مداها
با أسباب غلطه عن وليفي تخليت
قفا وأنا ذقت الجفا من جفاها
ما انسى غرامه لو عن الدار قفيت
صورة خياله دوم عيني تراها
أنا الحزين اللي على بعدهم ميت
أحيا وأموت بنغمة من شفاها
بس أتذكر صورته كل ما أمسيت
عزاه يا قلبٍ (ن) يعيش برجاها
من يوم خلي صد عني وصديت
والبعد والحرمان حالي براها
وهذي خفايا ما جرالي وما أخفيت
وهذا سبب حالن تزايد عناها

الشـاعر: الحميدي محمد مقبل الوهبي

[., {.ٍ بكِـــيتُكّ ,.]

أحـبـه مـوت يـانـاس كالعاده
ان شفته أقول بشوق هلابه
واذا غاب أشكي من غيابه
أحبه موت وماأقوى عذابه
أحبه وأموت بحبه وأحيابه
والله اني أحبه موت يـانـاس
أحبه موت
قولوا له يـانـاس حلو والأحلى احساسه
ما في مثله بين أجناسه
يعجبني فيه حَرّ أنفاسه
والله أحبه موت ياناس
اذا حكى أناظر بعيونه
واذا بكى أمسح دموعه
واذا غاب أضيع بدونه
وأحس اني أحبه ياناس
ياليته بس
يعبر عن حبه والا يقـول اللي بقلبه
أبيه يقولها ويلقاني بقربه
أحبك يقولهـالي ياناس
لما يقولها
يذوبني بجماله عمـري وروحي حلاله
وكل اللي عندي فداله
بس يقول أحبك ياناس

[., {.ٍ بكِـــيتُكّ ,.]

هيه يا اللي ذبحناعندك حـلال
دون ذنب ولاسبايب تذبحيـن

الاجابه ماتجي قبـل السـؤال
جاوبيني قبل منتـي تسأليـن

لاتزيدين المواجـع والجـدال
قصري بالشرح والخافي يبيـن

دام عزمتي على قطع الوصـال
أتركي قلبي تداويـه السنيـن

ماطلبتك شي تنفيـذه محـال
ماشي لك حسب سلم العاشقين

بعدماكنتـي علـى حدالخيـال
قلبي وعقلي وعيني تسكنيـن

فايقه بالحسن ونـواع الـدلال
تامريـن وتاخذيـن وتتركيـن

وكنت مثل الهيل في صفرالدّلال
أحترق بالنار كله لجـل عيـن

لاغلطتي قلت انايبـن الحـلال
كنها باقصى الضماير لاتبيـن

كنت مغرم فيـك لاحدالهبـال
ولاطلبتي شي قلت تستاااهلين

والنهايـه مابقـى فيهامجـال
جيت من عندك واناصفْر اليدين

مابقـى إلاكبريائـي والمحـال
رجعتي لـك لاورب العالميـن

اتركينـي لاتقوليلـي تـعـال
وأجرحيني دام ودك تجرحيـن

شتتينـي للجنـوب وللشمـال
وادفني كل المشاعر والحنيـن

المصايب ملهمة صبرالرجـال
والمهانه طاعت إبليس اللعين

ألبشرنـاقـص ولله الكـمـال
أتركيني إلك دين ولـي ديـن

دام قربك شمس وفراقك ظـلال
جرح قلبي ماتداويـه السنيـن

[., {.ٍ بكِـــيتُكّ ,.]

ناديــــــت نــوره قالت عيون نــــــــــوره .
.....................أمر تدلل يابعـــــد جملة النــــــــاس
قلت الغـــلا باللـه وشلـــون نـــــــــــــوره
......................قالت شربتـك الف كــاس مع كـــاس
قلت الحيـــا لابـان برقــــــه ونـــــــــــوره
......................قالــت نبـات الارض ينبت لك المــاس
قلـت الظلام اليــــا انعدم فيـــه نــــــــــوره
...................... قالـــت نعيـش بنور نورك ولابـــاس
قلت الظروف اليـــــا منعت شوف نـــــوره
......................قالت لاجيلك لو ورى الباب حــــراس
قلــت الحـلا نوره ونوره ونـــــــــــــــوره
......................شوفـوا حلاها مالها حـــد وقيــــــاس
شـوفوا جمـال الكون في وجه نـــــــــوره
......................لاشـــــافها بدر الدجــا صار محتــاس
وخدودهــا مثل القمـــــر شـع نــــــــــوره
......................وعيـــــــونها لا سلهمـــت قلت يناس
ليــت العذارى كلهن اســـــم نــــــــــــــوره
...................... انـــا افتخر في حبها وارفع الـــراس

[., {.ٍ بكِـــيتُكّ ,.]

لاتعتذر لي مابقـى لـوم وعتـاب
والله مالـك فـي خفوقـي مكانـه

هذي ثلاث سنين والجرح ماطـاب
كل ماطعنتـه قلـت يمكـن ميانـه

تبطي علي واقول له عذر واسبـاب
يمكن غلا ويشـوف قلبـي كيانـه

مرت ثلاث اعوام في صد وغيـاب
ومات الخفوق اللي هدالـك حنانـه

لاتعتذر وارحل ترى خاطري طاب
مليت وصبري مـل منـه زمانـه

كم اعذلوني عن هوى حبك اصحاب
قالوا لي ابعد خـل دربـه وشانـه

قلت اتركوني في هوى سيد الاحباب
ماطيع انا العذال فـي حـب دانـه

مالك شبيه وميـزك رب الاربـاب
لا بالحجاز ونجـد وارض الكنانـه

كم ليلةٍ سامرت طيفـك ولا غـاب
وسط الخفوق يجول في كل خانـه

يسري بي الهاجوس والدمع سكـاب
وطيفك نديم اللـي حياتـه رهانـه

مات الوفاء والحب خايف ومرتـاب
وخاب الرجا في قلب مالـه مكانـه

دور على غيري يبادلك الاعجـاب
اقسم برب البيـت مالـك حصانـه

[., {.ٍ بكِـــيتُكّ ,.]

يابوي فنجـال شربتـه ألحالـي........فنجـال مالـه ثانيـاً بالفناجيـل
فنجال من غالـي يمـده لغالـي........وتهديه قبل إيديه سود مضاليـل
مده علي وقال خـذ يـا حلالـي.........لا يا بعد من ينقل القال والقيـل
واخذت فنجالي وريحـت بالـي........وثنيت رجلي عندهـم للتعاليـل
دار الحديث وكل شيء صفالـي.......وارهيت منهم بالوفاء والمحاصيل
قمنا على ما قال لالـه ولا لـي.......إلا وعـود بالليـال المقابـيـل
والله علم عن مقبـلات الليالـي......هن يلقحن وإلا بعد يظهرن حيل



الشاعر / عبد الهادي بن راجس السبيعي.(رحمه الله)

[., {.ٍ بكِـــيتُكّ ,.]

يا قلبي اكتب أبياتي أنا ذقت العـذاب ألـوان
حياتي تكسر الخاطـر وقلبـي مـل كتمانـه
رسمنا للغلا بسمة و صرنا بالهـوى خـلان
تسليني واسليهـا وعـروق القلـب رويانـه
خبرها جاني و قالوا تعالوا شيلـوا الجثمـان
عطوني بس شيلتها ودموع العيـن غرقانـه
يا ربي انزل الرحمة على قبر يضـم إنسـان
توفت وانتثـر دمعـي وقلبـي ثـار بركانـه
في أمان الله ودعته قبل ما يلبسـه الأكفـان
حفرت القبر بيديني ورخيت احبـال جثمانـه
و مليت القبر من دمعي و ضميته و أنا ولهان
ياربي لاتعذبها عسـى الفـردوس مسكانـه
بكت لي طفلة صغيرة مثل وردة بـلا بستـان
تناضرني وتسألنـي ولـو ماينطـق لسانـي
يبه بالله ابي أمي أحـس إن الفضـا بركـان
انا منهو يربينـي وانـام اسنيـن بحضانـه
يبه ارجوك طمني احس ان خاطري حيـران
اعيش بغرفتي وحد مـع اللوعـات سهرانـه
يابنتي لا تعنينـي أنـا مثلـك بـلا عنـوان
حزين وضايقن صدري وحياتي مالهـا خانـه
ألا يالله يالمعبود رجيتـك ياعضيـم الشـان
تخفف من معناتي خفوقـي طالـت احزانـه
أنا ماعاد لي قدره . أبرجي رحمـة الرحمـن
ربٍ عالـيٍ قـدره الـه الخلـق سبحـانـه

[., {.ٍ بكِـــيتُكّ ,.]

هذهِ قصيده لواحد من القريات
يوم الله ما اهداه هع راح لمحطه الفهد ( بالحديثه ) شاف له بنت تنتضر باص عشان تسافر فيه
المهم واِعجب في البنت وما ابي اطول عليكم في السالفه هذهِ القصيده اسمعوها كانكم حاضرين السالفه



يازين بنـت شفتهـا يابـو مـرزوق
.......وانـا علـي بدلتـي قبـل سـاعـه

ترمي نجومـا عاليـه بالسمـا فـوق
.......عند الفهـد تمشـي بخـف ولكاعـه

نزلت من البـاص والشعـر مدفـوق
.......شفت الجدايل واحسب انهـا صناعـه

يمسك جدايلها علـى راسهـاطـوق
.......وتلبس سوايـر مـع خاتـم وساعـه

تمشي وتوزن خطوة الرجل فـي ذوق
.......وقامـت تناظرنـي بنظـرة دلاعــه

ولحقتها جـوا البقالـه مـن الشـوق
.......والعقل طاير والفكـر فـي ضياعـه

وقمت اتحوسن حولها غرب وشروق
.......ودي اغازلـهـا بفـكـر وبـراعـه

قالت سلام وصرت بالحيـل مطفـوق
.......قالت صديق ارجوك شيـل البضاعـه

وجهي تقلب وانقلـب كلـه عـروق
.......وحلقي يبس واحترت ويش الصناعـه

استغربت عيني مـن الزيـن منطـوق
.......وتحملـت ماقالـت بعـزم وشجاعـه

قلت اطلبي وانتي على الراس من فوق
.......بـس آمـري وانـا اجيلـك بطاعـه

قالـت وربـي خالـق كـل مخلـوق
.......ماكان قصـدي فـي كلامـي لكاعـه

كنت احسبك هندي وشغـال بالسـوق
.......وجهـك يشابـه لهذيـك الجمـاعـه

قلت ارحمي لو شفتي الوجه محروق
.......من حر شمس ولعـت فـي شعاعـه

وراسـي لوشفتيـه يابنـت محلـوق
.......لا لا تحسبيني مـن اهـل المجاعـه

انـا موظـف رافـع هامتـي فـوق
.......حارس على حد الوطن فـي دفاعـه

قالت كلامـك ولـع القلـب بحـروق
.......ارجـوك تكفـى لاتكمـل وداعــه

وحقك علي ان كان تطلبنـي حقـوق
.......كلمـه وزلـت واعتبرهـا اشـاعـه

قلت انسي اللي صار يابنت مسبـوق
.......مامـن ورى كثـر الشكـاوي نفاعـه

هاتي يدينك وارسمي رحلـة الشـوق
.......وحبل الهوى تمسكـي فـي شراعـه

وابني هرم حبا من السـاس موثـوق
.......مايهدمـه اهـل العـذل والقطـاعـه

قالت كلامك صيف به غيـم وبـروق
........مابه مطر لـو شفـت قـوة شعاعـه

وزمر لها باص النقل يامـلا العـوق
.......قالـت ابمشـي خـل عنـدك مناعـه

وأقفت وقلبـي انتـزع منـه معلـوق
.......وراسي تفجـر مـن قـوة صداعـه

وركبت بجنب اللي على الطاره يسوق
.......واقفـى يوادعنـي ويرفـع ذراعــه

راحت وانا كني على الوجه مصفـوق
.......ماظـن يانـايـف يوصله شفاعــه

هاذي حكاية قصتـي يابـو مـرزوق
.....اللي جرت ياخوك في ظرف ساعـه

[., {.ٍ بكِـــيتُكّ ,.]

اشكـي عذابـي للـرمـوش المظالـيـل
ويضحك على شكواي ناعس هدبها
ويقول لي شفـت الجمـال المحاميـل
لامن رغت ترغي غصب من تعبها
ياللـي تجـر الصـوت خـل المواويـل
جنـب مرابعـهـا .. وجـنـب عربـهـا
وش عاد .. لو قربت منك المعاميـل
دامــك تبهـرهـا وغـيــرك شـربـهـا
لصـار مــا تــردم علـيـك الغرابـيـل
ونـار المحبـه مستـعـر بــك لهبـهـا
لا تفتـن السـالـي بسـحـر الاقـاويـل
وجـنـب عيـونـي لا تـطـول عتبـهـا
واغنم حياتـك فـي الذكـر والتهاليـل
تكـسـب حيـاتـن كلـنـا نحـلـم ابـهــا
وان زان في وقت الربيع المحاويـل
والبل طربهـا شخـص يتبـع طربهـا
فلا جيـت روضـن خظبتـه الهماليـل
والطافـحـة فـزيــت تـبـغـا تحلـبـهـا
وذكرت فضـل الله منشـي المخاييـل
وذكـرت غلطاتـك وقـمـت تحسبـهـا
وعفت الحليب وعفت حتى التعاليل
وفاضت عيونك غصب قبل تغصبها
وعفت العيون ام الجفون المكاحيـل
بشـر عيـونـك خـيـر فــي منقلبـهـا
قلت اشكرك يا رمش سودن مظاليل
لــك فـضـة الـبـوح وألـنـا.. ذهبـهـا

[., {.ٍ بكِـــيتُكّ ,.]

خشم ريم مرت وهي تراعي
لا مشـت كـل يراعيـهـا
مشيها غنـج و تهزاعـي
كانها تحسـب خطاويهـا
النواعس خرس ووساعـي
والهـدب اسـود مغطيهـا
مزعت قلبي تمزاعـي كـل
ما اقفـت قمـت اناديهـا
واقبلـت والبـرق لماعـي
يصطفق من بين اشافيهـا
تبتسـم وتقـول طماعـي
هالطبيعـة مـا تخليـهـا
اصبري ياحدب الاضلاعـي
يزعلون الناس وارضيهـا
لاعروق الشـوق جياعـي
والظما والوجـد حاديهـا
ومن عبير الورد ذعذاعـي
بالجدايـل يـوم يرخيهـا
اسـود للجيـد مطواعـي
عـن عبايتهـا يكفيـهـا
لو جفون الليـل خشاعـي
الثريـا مــن يغطيـهـا
لو صلتها الشمس ما ماعي
تحترق شمس الضحى فيها
قربي يا بلسـم اوجاعـي
ما انجرح نفـس يداويهـا
ما خبرت النفس تنباعـي
بس ابيع النفس واشريهـا
فتنة تمشي علـى القاعـي
يفطـر الصايـم وينويهـا
لو تطالع روس الاصباعي
يسلم الكافر علـى ايديهـا