ليه تصدر قرارك..ليه..؟يأغلى البشر
ضد منهو على شانك يقـوم ويطيـح
عمرك من السنين البيض تسع وعشر
كيف..؟تردي خليلك بالمهالك طريـح
ليه..؟ ماقلت لي مالك بقلبـي خشـر
قبل تصدر قرارك باللسـان الفصيـح
وين ذيك المحبه مابقـي لـو عشـر
عادي..!أسامحك لكن خلـك صريـح
والتصاريح تحفظ مع حقـوق النشـر
رهن سبابتك لـو إن قلبـي جريـح
وأنصحك لو تخير غير درب القشـر
إختر من المسارات المسار الصحيـح
لأجل راحة وليفك بيع عمرك وإشـر
أرخص العمر لأجله مأنت ظني شحيح
ثم شورك على راسي تفضل..! وأشر
ياعسى فدوتك (لاش وسفيه وقبيـح)
بس..بإصبعك حدد شف بالك وأشـر
وأبشر وداخل القلب الرحيم إستريـح
من يوصيـك بالفرقـا كـذوبٍ أشـر
سكر الباب دام إنه يجي معـه ريـح
لو سم الفراق مـع العـروق إنتشـر
لدغه أقوى لدغ من لدغة أم الفحيـح
جعل يشفع لنا الهادي بيـوم الحشـر
يوم كلاً من أهوالـه يـون ويصيـح
العرض العادي
