الحب صدق وتضحيه يابنيّّه
ماهي علاقه نت والا اتصالي
شوق وغرام وبوح مع صدق نيه
فيه الغلا فيه الدلع باعتدالــــي
خوذي كلام اللي به النار حيّه
تحرق ضميرن بالمتاهات مالي
عشقت بنت اجواد بنتٍ سويـّه
تعلقت فيني وانا كنت سالي
بس الزمن يفرض علينا جزيّه
تذوق مرن لاغدى يوم حالي
راحت وخلت ضيقتي سرمديّه
من وين ما وجّه جنوب وشمالي
آآهين ثم آهـٍ على العنجيّه
ماراعت لقلبن به الحزن جالي
اببتدي بالدرس وخوذي وصيّه
من شاعرن صاغ الشعر بامتثالي
لا تامنين اللي تقرّب بفيّـه
هو يدّعي بالصدق لجل الوصالي
ناسٍ رديّه والنوايا رديـّـه
يسلب خفوقك بالحسن والدلالي
ولامن تضايقتي فخوذي امويّه
تجددي وصلي لرب امتعالي
احس دمعك في حناياي كيّه
ارجوك كفي الدمع ضاع احتمالي
ادري حزينه وفي محاجرك بكيّه
وادري بحزنك لاغدى شخص غالي
كلن فقد غالي اخيه وابيـّــه
وشخصن فقد امه وام العيالي
هذا مقدر من اله البريّــه
ربن كريم مايرد السؤالي
ادعيه يابنيه تراها وصيّه
والله يعوضنا بحسن المئآآلي
العرض المتطور
