الود ودي في غيابك انا اجيك . .
وانثر ورود الشوق و اعلن قدومي . .
واعطرك من فيض شعري واغنيك . .
وانسى على شوفتك باقي همومي . .
وامد لك فنجان عشقي واخليك . .
تصرخ بعالي الصوت ضاعت علومي . .
ماغيروني لو حكوا شي يعنيك . .
دامك معي في سجتي طول يومي . .
حتى بنومي صرت دايم الاقيك . .
شفت الغلا وشلون حتى بنومي . .
دام العيون اللي تعشقك تناديك . .
ما تحتمل ذاك الجفا لو يدومي . .
قصديتي تزهى إليا حل طاريك . .
تطير ما بين السماء و الغيومي . .
ياللي ملكت القلب واصبح يناجيك . .
صار الهوى لوحة غلا في رسومي . .
عاشقه وتعرف كيف تكسب معاليك . .
دامك قمر دنياي ماابي نجومي . .
العرض المتطور
