اثر ساعة الفرحه مداها يصير قصير
ولا تمدي العاشق يصور مشاعرها
عليها من العاصف يهب الهوى وتطير
وتغدي شتات احلام ماصعب تبعثرها
على اول لقا سيرت رجلي لعل تسير
معي همه و عزم من اسبوع ذاخرها
تجريت لين اجريت قلبي على التعبير
ولولا التجري موقف النفس خابرها
وانا لي زمان احضر لشوفتك تحضير
وارتب لك الكلمه ليا جيت اعبرها
بنيت القصور من الامل كبر ظلع النير
ومن حرصي جبت الكامره لجل اصورها
اخاف ان يجي لعيونك الساحره تاثير
واضيع بحرها اللي ورى رمش ناظرها
وصار اللقا مثل السحاب بهدو تسير
فلا مدة الفيه ولا طاح ماطرها
العرض العادي
