يامن هواه يجدده حر فرقاه
وهو عن اللي بالهوا غرق لاهي
ارفق على قلباً غلاك انت عناه
تراه مما جاه بالحيل واهي
تحط لي جمر ٍ من الود وآطاه
واعطيك ود ٍ كنه الورد زاهي
قلب تعلق فيك يكفيه ما جاه
من قبل اضيع بالطريق اتجاهي
أنا جريح ٍ يجحد الجرح واخفاه
باللي جرح روحه فخور يباهي
عليه اهوجس باسفل الرجم وارقاه
واشرف على جو ٍ خلي ٍ رهاهي
والد في عيني من ادناه لقصاه
واشكي على اللي له تذل الجباهي
ياراحم ارحم من بغى شي واغداه
ماغيرك احد ٍ فيه وامروناهي
ودي والاي اسج واجوز وانساه
لكن محله داخل القلب راهي
وده رسم خط ٍ عجزت آتعداه
ومن مر عقبه مايلد انتباهي
|
وينك اليوم
وهآردلكـ خخخخخخخخخخخخخ
العرض المتطور
