قصيدة تملؤك حكمه لوّنت مارأيته يستحق القراءه
مرات
إن كنت تنشد يارفيقي عن الحال
مالي على كتمانها عنك حيله
الصبر عن بوح الاحاسيس قتال
والبوح في بعض المواقف فشيله
لو كل مايطري على البال ينقال
ماكنت احس ان الثقيله ثقيله
ابطيت اكافح ضيقة البال بالبال
وادفع بلا .. / هاجوسها كل ليله
لين اقبلت مثل السحابة بهمال
تشفي غليل اللي تزايد غليله
رعادها خيل تدابك وتختال
وبراقها لمع السيوف الصقيله
طاحت ولأوفق من حناياك منزال
وسّع فضا صدرك لفيض المخيله
يابدر ماني عال لو صحتي عال
شفني من الصدمات نفسي عليله
اشيل حمل لو يشيلنه اجبال
الله ومانه غير تصبح نثيله
أرمي من هموم الزمن وأسحب أدبال
وأنزل عن الجوكر وغيري يشيله
من كثر ماشفت بحياتي من أنذال
بديت أشك إن النذاله فضيله
ماطاح من عيني رجل طاحو رجال
ورجال يابن حنيف ماهي قليله
أقرب من اللي قالهم ضمن ماقال
راكان بن حثلين راعي الجزيله
هذا ولد عم وهذا ولد خال
وهذا صديقٍ ماندوّر بديله
سبحان منهو يابدر بدل الحال
وحط الجفا بين الخليل وخليله
هذا الزمن يبغاله لسان دلاّل
من يستحي هالوقت وآآعزّتي له
وقت به الراعي غدا راعي دلال
كلٍ على راعيه ينفض شليله
من كان ساسه للردى مضرب امثال
اليوم يصبح من كبار القبيله
المال يابن حنيف ملعون ابو المال
ذل العزيز وعز ناسٍ ذليله
خلف المشعان العنزي
العرض العادي
