عـيني عليك .. وعـين غـيرك عليـّه
ياللي عيــونك مادََرَتْ عن هيـامي
عيني تنــاديك .. إلتفت لي شـويـّه
أتعبت عينـي .. ما بقى الاّ كـلامي
شفــايـفي .. قـطّـعتــها .. بالثـنيـّه
وآصابعي .. طقـطـقتها في عظامي
تعبت المح .. والعـــواذل .. ذكيـّه
ولولاها لانصب عند بيتك خيامي
وآقلبــك اللي .. قاعــد ٍ تحـت فيـّه
وقلبي انا في لاهب القيــظ حامي
وياقلبــك اللي .. مانـوى يــوم نيـّه
يفتـح لي ابـوابه .. ويفهـم غرامي
يامطـوله صـبري .. ومقصر يديـّه
كني يماني .. وانت بالبعد شامي
وتاخـذني اللهفه لبـيـــتك وحيّه
وآمرّ شـارعكـم .. وكنّي حـرامي
وان شافني جارك .. رميت التحيّه
عليه اسلّم .. وانت مقصد سلامي
ياحبيّبي لك حبّ ماشفت زيـّه
زرع ٍ .. على وجه الجـلاميـد نامي
وشلون حبّـك قلبي والغي غيّه
والغطرسه من عادته والتسـامي
الحـب ذل ٍ .. للقلـوب الأبيــّـــه
منّي خذى درعي .. وكاسر حسامي
ودّاني حبّــك .. للشّـقى والأذيـّـه
زعْلوا خوالي .. واقطعوني عمامي
خذ راحتك .. خذ راحتي لك هديـّه
يا ماخــذ ٍ عقلي .. وكل اهتــمـامي
مشاعري .. عن حب غيرك سليـّه
حتى ولو قلبك .. تجـاهـل هيــامي
العرض العادي
