اول شيء روان تحزنني
قالت في البداية انها ما حتقول عمرها وبعدين قالت تاريخ ميلادها يعني قد كدا احنا عبيطين!!!!!!!!!!!؟؟؟؟؟؟؟؟؟؟؟
بالنسبة للاجوبة فهي كالتالي
الاسم:احمد
الجنسية :سعودي
العمر :22 الا5 شهوووووور
الهواية :كتير مرة يبغالي موسوعة عشان اكتبهم كلهم
الامنية المطلوبة :التخرج من الجامعة والزواج
بس في امنية ثانوية انو كيف احول الفحم الى الماس في وقت قصير (علما انو هدا التحول يصير في فترة سنين مرة كتيرة زي عدد شعر راسك) وامنية وكمان اني اطلع بير بترول في جدة واني ابتكر طريقة اسهل لحفر بير البترول
افضل بيت شعر :الا هوا اعظم بيت غزل (ان العيون التي في طرفها حور قتلننا ثم لم يحيين قتلانا)
افضل الماكولات :طبق فاهيتا مشروم جاك كومبو اللي في مطعم تشيليز وقيمتو 54 ريال
افضل المشروبات :كابتشينو سكر زيادة حق جوفريز وخصوصا لو الفلبيني زبطو مو الهندي
افضل مطرب :عبد الحليم ولا فخر
افضل مطربة :اصالة بس عندها اغاني زي الزفت
افضل اسم ولد :خالد ان شاء الله ولدي الاول اسمييه خالد
افضل اسم بنت :ريم و لجين
افضل صديق :واحد لبناني صاحبي كان في الثانوية ولا زال معايا ان شاء لطول العمر
افضل صديقه :وحدة امريكية في ولاية اوهيو اسمها لورين بس للاسف مسيحية عمرها 16
صفة تكرهها بالرجل :التكبر وشوفة النفس عند بعض الرجال
صفة تكرهها بالمراة :انكار الجميل اللي موجود في كل الحريم بدون استثناء
اناس تحب انت تعاشرهم :اي واحد ما صدر منو موقف زفت مزفت بستين نيلة
اناس لاتحب ان تعاشرهم :الاستثناء اللي في السوال اللي قبلو
حادث اثر فى نفسك ولاتنساه :صراحة ما في بس في مقطع في فيلم ارماجدون كل ما اشوفو احزن واحس اني حابكي هدا المقطع هوا لمن البطل يودع بنتو
موقف يضحكك لما تذكره :اي نكتة مرة عجبتني او موقف مرة ضحكت منو
افضل المدن :طبعا انا ما رحت كل المدن عشان احدد بس ما في مدينة مثالية ......جدة كويسة بس ينقصها الجو
افضل الاشهر :نوفمبر لانو الجو يحلو واز احلو الجو الاخلاق تنعدل وازا الاخلاق انعدلت حبو الناس بعضهم وازا حبو بعضهم (حطول في الموضوع كفاية خلاص مني مكمل)
افضل الايام :ما في يوم معين
احلى سنة من سنوات العمر :لسة ما جات بس في اخس سنة اللي هيا 1419
موضوع قراته وعجبك (من مواضيع المنتدى) :اي موضوع لللامع محمد عبدالوهاب
اسم من اسماء الاعضاء اعجبك:ازا قصدك اسم مو عطاء فانا اقول ما في لووووول (سحبت فيكم)
عضو تحب ان يرد على اسئلتك :جميع الاعضاء بدون استثناء وانا اعامل الكل زي بعض كلنا اخوان في الاسلام
كلمة اخيره تحب ان تضيفها ::سلامتكم ذات ايتز لا اكثر ولا اقل (هدي الجملة دايما يقولها دكتور الكيمياء عندنا في الجامعة الله يستر علييه)
العرض العادي
