السلام عليكم..
الموضوع شوي غريب ولاكن بسدحه وامري لله بعد الغيبه
هذي عن المنتدى وهي تقريباً ثلاث أيام أو اربعه وتصل الى الخمسه
<~~ بدون ثرثره وادخل بصلب المووضوع خخخخخخخخ
قسمن بالله بدخل بس عطو سداح فرصه
موضوع اليوم <<~~ تسنه بمدرسه ماهوب في منتدى خخخخخ
العنـوان نسـخ ولـصـق أو ( مغامرتي مع النسخ والصق وكيف الطريقه )
<~~ ماخذ الدكتوراه في النسخ والصق خخخخخخخخخخخخخ
أما بعد : <~~ يتخيل انه فوق المنبر ويخطب فيكم خخخخخخ
في ذات ليله من اليالي الملاح وحين كان الجو ماطراُ بغزاره وسعابيلي ناشفه
قلت كيف اخدع الجميع وابين لهم ان مواضيعي داجه وماصله ومصرقعه
قلت مافي الا حل واحد وهو النسخ والصق الا بالدلخ الي بداخلي يبدي رايه
ويقول يالصعب بس المشلكه اذا صادوك وانت تنسخ وتلصق وش راح يكون موقفك
قلت ازهلها بطس منتدى ماحد يعرفه وانسخ كمن موضوع(ن) داج مع تغيير بسيط ولا من شاف ولا من دري
دخلت الفكره مزاجي وسارعة في تنفيذها دخلت احد المنتديات ودخل الضحك والفرفشه وارعص على زر
البدايه واروح للمواضيع القديمه على شان الكل ما يعرفها واذا دخل المنتدى ما يشوف المووضع الي سدحته << ذكي وفطين
دخلت المووضوع وحطيت نسخ ولصق وتغير بسيط في الموضوع وتم سدحه المهم استمريت على هذا الحال
برهه من الزمن <~~ احس اني مثقف خخخخ ( وجه يمد لسانه ) وفي ليله من اليالي السرمديه
الا بالدلخ الي بداخلي يعاتبي واذا بس اصكه بلوح ويرجع يخمد واذا به يصحى وبلوح ثانيه ويخمد مره ثانيه
استمريت على هذا الحال الا قلت ياصع صع اسمع الدلخ وشوف وش يبدي لك براية قلت اوكيه
الا وهو مفقوع الخشم وعينه انقلبت لونها زرقاء من كثر الصفعات ( على طاري الصفعاات صفعه لرفيقة الهم وسن سن وكبسه ونـدى وهديل ومهـا وتويطس وميشو قمر 14 والحاظرين ) <~~ متخصص بأنه يخرج برى المووضوع :D
نرجع الى السالفه قال يالصعب انت لمن تشوف احد يمدحك على المووضوع الي نقلته لهم وسرقته تحس بمتعه
قلت قسمن لاع قال طيب ليه ما تحاول تسدح لهم موضوع من تعبك وافكارك المجنونه وكلماتك الميمونه
قلت ماعندي اسلوب قال فيه طريقه سهله ومجديه انت تطلع على المواضيع الحلوه وتحلم انك تكون مثل كاتبها قلت انا اشهد انك صادق قال طيب ليه ما تستفيد من بعض اسلوبهم بالكتابه قلت ودي اسدح موضوع(ن) لاكن اخاف الكل يضحك علي وعلى اسلوبي( هذي الجمله قالتها مها لي ) قال جرب حظك وانت تشوف كلامه بصراحه مقنع ولاول مره يصير تعاون بيني وبين الدلخ الي بداخلي ومشيت معه خطوه بخطوه ناظرة الكتاب المصرقعين الكبار وصاير اتعلم من اسلوبهم خطوه بخطوه وفي الاخير طلعت موضوع عجب الكثير من المنتدى وصارت عندي ميزه في الكتابه وان شاء الله اتطور اكثر واكثر وبعد التطور الي صار واذا بي اقول لدلخ الي بداخلي خشمك ابي ابوسه ويقول تكفى لا تحرجني واقول له خشمك قسمن ما تردني واذا به يقرب خشمه واذا به امسكه من شعره واقول ما راح اتركك الا اذا تتعاون معي في موضوع نسدحه قال فكني قلت مافيه نسدحه نسدحه فكر وفكر قال خلاص اوتسي راح اتعاون معك بالمواضيع لاكن انا بريئ اذا احد الاعضاء صابه سعال ديكي او جنون القرد قلت اوتسي بس اسدحــه
واخيراً جاء في بالي انا وادلخ بداخلي نسدح موضوع بالطول والعرض حاولت اعصر المخيخ الايمن على شان اسدح موضوع(ن) قميـل قـداً لاكـن رفض قلت مافيه الا المخيخ الايسر وصار يتغلى علي قلت مافي الا اسدح الموضوع بدون الاستعانه بالمخيخ والاستعانه بقلبي
<~~ يعني الموضوع اليوم رومنسي مثل قلبي ( وجه يمد لسانه )
قبل كم يوم حصل اجتماع اسري << ياشينه لمن تسوي مثقف >> ومن انتائج هذا الاجتماع نذهب الى الشاليهات وطبعاً الاسره الكريمـه قررت الذهاب الى الشاليهات منذو سنتين وحنا نخطط الى هذي الرحله << والله لو نفكر نحارب ما جلسنا تسذا خخخخخ >> مالكم في طول الهرج الوكـاد بعد المناقشات قلنا ان شاء الله الوعد باتسر ننطلق الى الشاليهات
لمن انام الليل انا واخواني بالبزارين وحنا جالسين نجهز العفش والملابس وادوات الكشخه وتفقنا كلنا نطقم فنايل علاقيه وشورت فوشي
الساعه 12 ليلاً
جالس لحالي ولحالي بالغرفه افكر وش راح اسوي واخذ اتصال سريع لبيت خالتي ترررررن ترررررررن الوووو الووو خالتي ترد على التليفون هااه خالتي وش سويتي اشياكم جهازه وترد علي قائله والله هذول البزارين مجهزين الاغراض ونايمين بطري قالت وانتم قلنا حتى حنا بزارينا نايمين << يبي يعلم خالته انكم ماهوب ازين منا المهم قلت لها الوعد الصباح قالت اوتسيه
طـااخ <== قفلة بوجهي بدون ما اقول مع السلامه خخخخخخخخ
انقهرت من بزارين خالتي نايمين وانا اخواني الدلوخ مسوين زحمه في البيت وطيران تشتغل صارو فرقة طقاقات وبنت اختي عندنا جالسه ترقص لهم وادخل عليهم الغرفه يادلخ انت معه هيـاا الى النــووم لمن جاء باتسر صار فيكم النوم ومحد(ن) يروح معنا الا وترد على بنت اختي ماعليك راح نصحى الخوف منك انت ما تصحى (( طبعاً تتكلم وهي ترقص)) قلت لها اقوول انتبهي بس لا ينكسر خصرك خخخخخخخخ
تركت البزارين ورحت نمت اصرف لي خابر الكلام معه ضايع ولازم اكون انا مستعـد خابرين الشاليهات دجه واقلاع وطيران بالعجـه
الساعه 6 صباحاً
قمت من النوم مسرعاً وانزل تحت الا اشوف اخواني البزارين متسدحين تحت قلت هيه يلا الشالهيات الا الكل فـز من مكانه وفي عويناتهم كيلو قمص والكل صايره عيونه مثل الصين خخخخخخخخخ الا واشوف البزارين حد الدعسه كل واحد بغرفه يبدل ملابسه ويلبس الفنايل العلاق والشورت الفوشي جهزنا الاغراض بالسياره وانطلدزت الى بيت خالتي الا وبزارينهم بالسياره ثمن ذهباً الى بيت جـدو حيث ان الاجتماع يكون هناك وبعدها ننطلق المهم وصلنا كلنا بيت جـدو وانطلقنا الى الشالهيات وصلنا الشاليهات ونزلنا العفش والاغراض والانضار كلها متوجها علينا وحنا بالشورتات الفوشيه طقم واذا بي اقول في بالي من الحين بدا الاعجااب
انطلق البزارين يسرحون ويمرحون ويناقزون ويطامرون حتى الكل قسم ان ولا قطو تواجد في الشاليه عشر طعش قطو مات والسبب الزبيريات وسبعه اصابات خطيره تركت البزارين لوحدهم وانطلقت انا اتجول واتسكع لوحدي قلت يالصعب مافي الا تطس الدبابات البحريه وانا انطلدز لها الا اشوف مجموعه من البنات في الدبابات البحريه قلت فرصتك يالصعب
ذهبت الى راعي الدبابات وانا اقول بكل فخر عطني اغلى دباب عندكم
<< مسوي ولد عز عند البنات
رد علي كلهم نفس القيمه قلت بعطيك بئشيش
قالت صدز تعطيني ماصدق على الله
قلت امزح معك <<== تسنه توهق
ركبت الدباب وانطلق واذا بي اشوف البنات على الدبابات قلت ياصع صع وراك ما تتميلح عليهم وانطلق مسرعـاً بالدباب وثمن امر بجنبها وانطل على الجها اليمنى الا والماء في خشتها البنت تصارخ وتقول ياقليل الحيا وخوياتها يضحكون قلت في بالي واخيراً يالصعب بدت الدنيا تضحك لك استمريت على هذي الحال قلت ياصع صع لازم تسوي شي على شان الكل يعرف انك خطير وتسوق زين قلت مافي الا عقـده لعيووونهم اول مره جربتها لوحدي على شان اتأكد اذا كاني ما فقدت مهارتي بالعقده واذا بي مسرع وانطل على اليمين وثمن على اليسار وثمن اقلبه وجه وتعقد فيني قلت بس يا صع صع مهاراتك موجوده والخبره موجوده
ذهبت مسرع ويوم شفت البنات موجودات يتمشون في البحر ببطء وامر جنبهم وانطل يمين ويسار وتقلب وجه وثمن تعقد فيني واذا بهم يناظرون كيف هذا الانسان سواها وبعضهم صفق بحراره
قلت ياصع صع مافي الا تسوي مره ثانيه واسرع سرعه كبيره وجنونيه وانطل يمين الا بموجه وارقى فوق الموجه وانقلب لحسن الحض اني كنت قريب ماهوب داخل ولا كان رحت فيها واشوف البنات يضحكون علي وصرت مهزله في هذا الوقت سحبت نفسي وطلعت من الفشيله
الساعه الخامسه ونصف عصراً
اناظر الكل خذ له دباب بحري يلعب مره ثاني قلت ياصويعيب انت جاي تنبسط وتضحك ماعليك من الاحراج حاولت اقنع نفسي بهذا الشي وثمن اخذت لي دباب وانطلقت اتجول الا بمرت بنت تقول انتبه لا تنقلب وهي تضحك بقوه
قلت مالك الا تدخل قدام على شان لاحد يشووفك وتلعب على كيفك هناك انطلقت داخل البحر وبعدت مسافه بعيده لدرجة اني ما اشوف الشاطئ
وفجـائـه حصل مالم يكن في الحسبان البانزين فضى ووقف الدباب فيني داخل البحر وانا جالس اصارخ واصايح تعالو تعالو تعبت من كثر الصياح قلت مافي فايده وانت ياصويعيب ميت لا محاله اشرفت الشمس على المغيب وبدا الظالم
واذا بي اقول حلو حلو
قسمن ما تتخيلون شكل البحر وانت داخل بالليل عشت جو رعب المهم احس البحر يبعد فيني وانا رايح وطي والدباب يتحرك يمين ويسار وخايف انقلب
جلست مسافة نص ساعه على هذا المنوال وجاء خبر اني مفقود في البحر والكل يبحث عني
اما انا طلعت الدخان وجالس ادخن <<== رايق الدلخ
المهم تذكرت الولاعـه بيدي وجالس اولع واطفي الا واحد الاخوان ناظر النور الصادر من الولاعـه وذهب الى اتجاه النور والا ويشوفني وانا طاير من الفرحه واذا به يقول وش فيك قلت شوفت عينك الدباب وقف علي المهم قرب مني لين مسكت يده وطمرت فوقه ورجعني الى الشاطئ الا واشوف الكل متجمع الاسره الكريمه وبعض الاسر المتواجـده بالشاليه وتصفير وتصفيق واخواني البزارين يطامرون من الفرحه فس هذاك الوقت فقط حسيت اني مهم :D
جاء اليوم الثاني وبعد تناول الغـدا
طلعت اتمشى شوي وادخن الا واناظر بنت معهـا قطعة دجاجه تعطيها قطو مدري من وين طلعت هذا ولا الباقي كلهم ماتو مثل ماذكرنا فوق المهم قلت القطو ما ياخذ هذي قطعة الدجاجه واصايح واسرع اتجاه القطو الا انه يحمل قطعة الدجاجه ويركض وانا وراه وتزحيف من جها الى جها وامر على الاسره الكريمه وانا ورا القطـو والا البزارين وراي ومطارد ورا القطـو الا بزبيريه تمر عند خشتي وتذهب الى القطو وتصيبه ويقع مغشي عليه وامسك قطعة الدجاج وارجعها للبنت ولا هي وتضحك وتقول صدز انك دلخ
وهذي هي احـداث هذا اليوم وان شاء الله نشوفكم بالحلدزات القادمه
نعرف ان الموضوع عادي ولاكن حبيت اشارك معكم بموضوع واسف على الاطاله تحياتي لكم
مــلاحـضـه :D
1- اذا جيت تطلع البحر وتركب الدباب البحري خذ معك ولاعه احتياط
2- انتبه تسوي فنان عند البنات على شان لا يصير لك ما صار لي
3- نقدم التعازي لجميع القطاوه بالمملكه العربيه السعوديه *8
4- ماهوب حلى خلاص ردو وانتم ساكتين
العرض الشجري
