بشريني ياسحابه . جات من يم الشمالي=كيف خلي يوم جاكم . ياعسى حاله بخير
طمنيني كيف حاله . لايهمه يوم حالي=وامطري بالعلم هلــّــي . قبل لاقلبي يطير
احتريك وبشريني دون ما ابدى سؤالي=طمني القلب وفكر ٍ عقب فارق يستدير
ماقويت اصبر ولاني يوم فارقني بسالي=كيف ابا اسلى دام خلي ساكن ٍ وسط الضمير
فوق مغلي حبيبي صار لي فالبعد غالي=ماسكن قلبي عقبه يوم فارقني الخشير
مسكنه من يوم فارق صار مهجور ٍ وخالي=منزلي من يوم غابت يبكي من فرقى العشير
صورته مافارقتني دايم ٍ يطري فبالي=مانسيت ايام تجلس تلعب إفماي الغدير
وين مالديت طرفي كنها تجلس قبالي=مرة ٍ فالرسم تجلس مرة ٍ كن-ها تسير
كيف اشيل الصورة اللي دايم ٍ في خيالي=رسم صورة في خيالي طــِــر ِ زَت بالحرير
لابغيت انسى وصوفه كيف ابا انسى هالغزالي=كِن سيد البيض حاكم اجلس إبنفس المصير
روّحي له ياسحابه ووصفي له دمع سالي=وإرتجيه اليوم يرجَع عله إنه يستخير
علميه إن كان ناوي بالوصل او يوم جالي=تضحك الدنيا وتصبح حالت المهموم غير
العرض الشجري
