مواقفنا مع العضو كلي أحساس ..... !!!!!! (( لا يفوتكم )) ... !!!!

[!ارجوك اعفيني!]

بسم الله الرحمن الرحيم
السلام عليكم و رحمة الله و بركاته ..

أعزائي و أحبائي أعضاء و عضوات منتدى الود .. عندما رأيت أن المصلحة العامة تقتضي بنشر ما ستقرأونه...
لم أتوآني بنشره ..


و بدون أن أخوض في تلك المقدمات المكلفه .. و بدون استخدام تلك المحسنات البديعيه ..

>>>>> طفش من اللغة العربية الفصحى و بيقلب بالعامية ..

اليوم جايكم .. و جايب لكم جزء بسيط من فضااايح اخوي و حبيبي (( كلي احساس ))

و راح أبدأ بسردها ..........


و أحب أنوه بأن جميع ما سيذكر هنا .. حقيقه و واقع .. لا ينكره أحد و لدي شهووود بذلك >>> عشان كلي احساس ما يكذبنا هههههههههه



سموا بالله ... أبعدوا .. أي شي يلهيكم عن القراءة .. ركزوا معي ..








بسم الله ..

1 – السنه الي راحت كانت عندنا ماده (( الفيزياء 101 / PHYS 101 )) .. و كان لهالمااده معمل ..
و كان مدرس المعمل مصري و كانت تعدي المحاضره ضحك و ونااااااسه .. المهم .. جينا و دخلنا المعمل و كانت التجربه ممله و غثيثه و طويله (( الحركه الدورانيه ))
المهم دخلت انا و كلي احساس و معنا واحد من الشباب .. و رحنا لاخر شي ..
و مع مرور الوقت طفشنا .. و كلي احساس تعب .. و راح و انسدح على البنش حق المعمل ((pench)) ..
طالع فيه المدرس .. و قال : (( خذ راحتك .. انسدح على الاخر .. عاوزني أكلمهم يجيبون لك مخده و فراش )) هههههههههههههههههههههههه
طبعا انا وقتها ضحكت ضحكت ضحكت لين قامت علي بطني .. ههههههههههههه و كل المعمل ضحك يومها و تعدل الدب و لا عاد انسدح .. هههههههههههههههههه



2 - جت فتره كنت اقول لكلي احساس سجل معي بالمنتدى .. تعال و سجل .. و خلنا مع بعض . المهم رجيته لين سجل .. و لمن سجل كان نكـــه (( كلك نظر )) .. طبعا الكلام هذا يوم الجمعه ..
و جاني يوم السبت بالجامعه و قال لي اني سجلت و نكي كلك نظر .. قلت تمام ...و عاد يوم السبت كان موعد محاضرة المعمل ..
عاد رحنا للمعمل ... و الأستاذ خلص الشرح .. و بدينا نطبق ..
و كان مكاني يومها ورا كلي احساس .. المهم .. الجهاز الي عند كلي احساس فيه مشكله ..
و جالس يقول : يا استاذ الجهاز فيه مشكله .. طالع فيه الاستاذ و ما قال شي .. لأن الاستاذ كان مشغول مع طالب ثاني ... رجع كلي احساس و قام يقول يا استاذ لو سمحت الجهاز فيه مشكله ..
طالع الاستاذ و قال (( جاي لك يا ريان ,, مـا كلك نظر برضه ))
اول ما قال المصري كذا .. طالع فيني رياااان و وجالس يهز كتوفه من الضحك و انا انفرطت ضحك ..
حتى بغى يطردني من المعمل ....
يعني سبحان الله .. أمس سجل ريان .. و اليوم الاستاذ يقول نكـه بالمنتدى .. ههههههههههه

طبعا كعادة ريان .. نسى الباسوورد .. بس هالمره يا ويله لو ينسااه .. ههههههههههههههههههههههههه
هههههههههههههههههههههه




(( الله يسعدك يا دب ))


3 - كمان هالموقف صار بمعمل الفيزياء .. و كانت عندنا تجربة اسمها (( القذيفه )) .. طبعا بالمعمل .. كل طالبين على جهاز .. المهم ريان كان معه واحد اسمه بدر ..
للمعلوميه (( بدر ولد مرررررررررررره مرفع .. طول المحاظرات ضحك و وناسه ))
المهم .. اتفق ريان و بدر أن ريان يطبق و بدر يسجل النتائج .. المهم بدوا و ريان يطبق .. و بدر يسجل ..
شوي .. تعب ريان .. و قال لبدر تعال و كمل و انا أبسجل .. قال بدر : لا .. لمن جاات الصعبه تقول تعبت .. لا والله انت كمل ..
المهم على كلامهم هذا .. جا الاستاذ المصري و وقف عندهم ... و طالعوا إلا و هو فوق روووسهم ..
و قال : مالكم .. في إيه ؟؟؟ بتتخانقوا ليه ؟؟

نقز بدر و قال (( طبعا بدر يبغى يرقع )) : يا استاذ شوف ريان من اليوم يلعب بالجهاز و ما يخليني ألعب ..


ههههههههههههههههههههههههههههههههههههه

طبعا .. جلس كل الطلاب الي بالمعمل يضحكووووون .. و الاستاذ قام يضحك و تركهم ...

هههههههههههههههه











4 - بأول ترم بالجامعه .. كانت عندنا ماده أسمها (( كيمياء 102 / (( CHEM 201 و كان يدرسنا دكتور غثيث .. و كان دايم يهزأ و يهاااوش ..
المهم .. مره مسكت مع هالدكتور انه يسأل و يعطي درجات مشاركه . و كل شوي يسأل سؤال ..

المهم بواحد من الأسئله .. رفع ريان يده .. و جااااوب و بعد ما تناقش الدكتور مع ريان على الإجابه اعطاه الدرجه .. شوي .. نقز طالب و قال يا دكتور الإجابه غلط ..
و جاوب الولد الإجابه الصحيحه .. و قال الدكتور : (( آه . صحيح .. أزاي انا و افقت الطالب على إجابته الخطأ ))
و طالع بريان و قال : (( أسمك إيه يا ابني انتا ؟؟ )) و قال له ريان الاسم و شال الدرجه الي اعطاها له ..

هههههههههههههههههههههههههههههههههههههههههههههههههه ههههههههههههههههههههههههههههههههه




(( خيرها بغيرها يا دب هههههههههههههههه ))



5 - كان عندنا مادة اللغة العربية .. و كان برضه دكتورها يمزح .. و كانت محاضرته حلوه ..
هالدكتور يحظر بالأرقام .. و يحظر ببداية المحاضره ..
المهم مره بدا يحضر الدكتور و ريان لسى ما جاا .. المهم على دخلة ريان للقاعه قال الدكتور رقمه ..

و رد ريان وهو ماشي و قال : (( حاضر ))
طالع الدكتور و لقى ان ريان تووه داخل .. و قال : (( تعالا تعالا .. على فين مدحرج ؟؟ ))

ههههههههههههههههههههههههههههههههههههه عاد الدكتور ترك ريان و حظره و لا قال شي ههههههههههههههههههههههههههههههههههههههههههههههههه



(( تذكرها يا ريان؟؟؟ هههههههههههههههههه ))




6 - نفس دكتور اللغة العربية كان يبغى يعطينا درجات الإختبار الدوري .. المهم .. الدكتور كان يقول اسم الطالب و يقول له الدرجه و لو فيه ملاحظات عليه يقولها ..
لأن الإحتبار تظليل .. و كثير طلاب ينسون يظللون او ما يظللون زين .

المهم قال اسم ريان و قال الدرجه و قال له : (( يا ريان أنت عندك تهديد بالحسم )) لأن ريان ما ظلل الرقم الجامعي زين و بوضوح .. طبعا جلسنا نضحك شوي ..
لكن الطامه .. فيه واحد كان اسمع عبدالعزيز هو اكثر واحد ضحك .. المهم بعد دقايق قال الدكتور اسم عبدالعزيز .. و وقف شوي و قال : (( أنت ما ظللتش خالص ))
هههههههههههههههههههههههههههههههههههههههههههه طبعا أنقلب كل الضحك على عزوووز ..




7 - مره الشباب كان عندهم اختبار .. دخل ريان القاعه و كان عطشاان .. و المكاااين الي بالمبنى كلها خربانه .
و الرجال ميت عطش .. المهم رضخ ريان للأمر الواقع و جلس و هو عطشان .. و كان بجنب ريان واحد أسمه زيد .. و زيد أدمي جريء لأبعد حد ...
و لمن جلس جا الفرج .. لقى قدامه علبة مويا ,, لا و جديده بعد .. قال ريان للي لزيد : المويا لك ؟؟
قال له : لا ما هي لي .. بس ما عليك يا رجال خذها و اشرب .. و قام زيد سحبها و أعطاها ريان ..
و الدب ما صدق خبر .. و قرطوووووووووع .. و خلص و قفل العلبه و اعطاها زيد علشان يرجعها لمكانها ..
لمن كانت يد ريان ممدوده لزيد ... مد صاحب المويا يده لريان و قال له : أرتويت ..؟؟؟!! بالعافيه ..

هههههههههههههههههههههههههههههههههههههههههههههههههه ههههههههههههههههههههههههههههههه

يا دب ..و اانا اقول وين تروح علب المويا الي دايم اجيبها معي من الكفتيريا لمحاضرة الرياضيات ..
هههههههههههههههههههههههههههههههههههههههه




(( تبغى علبة مويا يالدب ؟؟؟؟ ههههههههه ))



8 - و مره يا طويلين العمر .. كان عندنا اختبار (( رياضيات 202 / MATH 202 )) و كان أختبارنا الساعه 9 الليل .. يعني لو كل واحد بيروح لبيته و بيرتاح شوي
و ينام و يقوم ما يمديه يرجع للجامعه .. لأنها مشوار شوي..
فـــــــدايم بهالحالات نروح عند واحد من أخويانا بالسكن حق الطلاب .. قريب من الجامعه .. نروح نتغدا و نراجع الين موعد االختبار ..

المهم رحنا ذاك اليوم .. و الموجودين كاانوا أنا و ناايت و كلي احساس و محمد (( محمد من اعز الزملاء بالجامعه على قلوبنا كلنا .. يعني محمد مثل ريان و نايت و خبل .. من المقربين لي ))
لمن دخلنا . طبعا فصخنا الثيااااب . و بقينا بالملابس الدااخليه .. و قعدنا نذاااكر .. و لما جت وقت صلاة المغرب
قمت و وضيت أنا و محمد و كبر محمد و كبرت معه .. و نايت كان يوضي و ريان يستناه يخلص ..
نقز ريان بكلمه . و قال : (( كأنكم بإعلان لدرووووش .. )) ههههههههههههههههههههههههه
طبعا محمد كان يقرأ و بعد كلمة ريان سكت .. و الشيطان وسوس فينا و خلانا نسمع الكلمه غصب .. و قطعنا الصلاه من الضحك .. هههههههههههههههههههههههه
يا دب ريان .. حرام عليك كنا نصلي ما قدرت تمسك نفسك شوي الين نخلص صلاة و تقولها ..
هههههههههههههههههههه



(( يا رب تساااامحنا .. ))




9 - طبعا بنفس اليوم حق الموقف الثامن .. دخل ريان الحمام .. و شوي إلا و نسمع موواويل ينبعاااويه ..

الدب أستكن و سلطن بالحمام .. و لا وقف إلا لمن طلع . هههههههههههههههههههههههههه

بالله عليكم وش هالمزاج الي ما يروووق إلا بالحمام ..؟؟؟ ههههههههههههههههههههههه



(( الله يسعدك يا دب .. ))

10 - جت فتره .. ريان كان مسوي عمليه .. و كانت عندنا محاضره بالدور الثالث .. و كان حركة ريان صعبه بسبب العمليه ..

و زي ما تعرفون ريان يدخن (( الله يصلحه و يتركه )) و كان يتعجز ينزل برا المبااني و يدخن .. و راح لدورات المياه حقت المبنى و قب (( ولع )) السيجارة و قام يدخن .. و دخلوا شباب لدورات المياه و شموا ريحة الدخان ..
و قاموا يسبون و يلعنون .. : (( من الي يدخن هنا الله يلعنه .. ما يستحوون )) ههههههههههه
طبعا هم ما يدرون أن ريان لسى جوا ..

هههههههههههههههههههههههههههههههههههههههههههههههههه هههههههه

طبعا يقولنا ريان بعدين لمن قالنا السالفه : (( أسمعهم يسبون و انا مقهوور و دي اطلع و أضربهم ))
هههههههههههههههههههههههههههههههههههههههههههههههههه هههههههههههههههه



(( يا حليلك يا ريان ..؟؟؟ )) ههههههههههههههههههههههههه



11 - بعد إجازة عيد الفطر .. داومنا و كانت عندنا محاضره و خلصناها و نزلنا و قمنا نسولف و طلع ريان سيجااره من البكت يبغى يدخن ..
و حلف عليه واحد من الشباب اسمه احمد إلا تدخن هالسيجاره ..
أخذ ريان السيجاره من احمد و ولعها .. و قام يدخن .. إلا و شوي سمعنا صوت أنفجاار بيد ريان .
ههههههههههههههههه طلع احمد حاط جوا السيجاره طرااااطيع .. ههههههههههههههههههههههههههههههه

ههههههههههههههههههههههههههههههههههه



(( بس الحمد لله ريان ما صار فيه شي .. هههههههههههههههههه )) ..



نختم بأخر موقف و أترك الباقي للشباب لو عندهم إضافات أو تعليقااات ..


12 - مره دخل علينا ريان لقاعة المحاضره حقت الرياضيات .. و من اول ما دخل و أنا أتصدد عن الدكتور و أضحك ..

الأخ جاي و مسوي سكسووكه من الأذن للأذن ..

قسم بالله كأنها عمووود دوران بوجه ريان .. ههههههههههههههههههههههههههههههههههههههههههههههه

طبعا ما انتبهوا لها الشباب إلا بعد المحاضره و استلمناه ذاك اليوم .. و جا اليوم الثاني و هو مقصرها .. هههههههههه


هههههههههههههههههههههههههههههههههههههههههههههههههه ههههههههههههههههههههههههههههههههههههههههههه

(( ريان لا عاد تحلق عن أبو هنووود الي رحت له .. )) هههههههههههههههههههههههههه أتراك و بس ..
كان هذا أبرز ما لدي و ليش كله ....


أترك المجال لحبايب قلبي :


نايت nightmare
خــــــــ~~ %99 ~~ــــــبل
كلي احساس
ميزو لزيزو mezo lazizo




و للمعلوووميه .. ترانا و لله الحمد يد وحده .. الله لا يغير علينا ..


شباب .. الله يسعدكم و يوفقكم .. ما ادري بدونكم وش بتكون الجامعه ..؟؟؟!!



أنتظر ردوودكم ...

تقبلوا تحياتي



!ارجوك اعفيني!