تجين نرجع الماضي ! تجين نسولف ونضحك
............................ على المليان والفاضي !
تجين ألملمك لعبه ,
. ...... . . وأرد أكسرك ثاني !
تجين أنسى ’
يوم أنتي صرختي فيني إنسساني !!!!
تجين نجدل أنوار الشوارع والمدى العاني ,
تجين أشبه لـ فرحي يوم
ويوم أشبه لـ أحزاني ؟
تجين أصيح لك : وينك ؟!
و أنتي تمضغين الجيم .. وتقولين : موجوده !
تجين نصحي الشارع , تجين نجسّم وجوده !
تجين تجين !
...... تجين الحين !!
مادام السالفه حبري ,
وأوراقي ودمعة عين ’
تعالي الحين ؟
ولا حتى فـ أوراقي بتكونين مشغوله ..
ولا حتى بـ أحلامي بشوفك حيل مجهوله !!
تجين أسترجع ألواني !
تجين أولد من أكفاني !
أو أولد من رحم تابوت ,
تجين أجيك كل ليله .
وكني بحرك الأبيض ،
وكنك حي من بيروت
تجين نصيييح
بس بسكوت !
تجين نصدق إني حي !
او اقلك .. تجين نموت ؟
× × ×