هلا باللـي تراسلنـي وانـا الغافـل ولـي مـولاي=انا ماكنت اظن إنـي ضعيـف(ن) ليـن جيتينـي
انا كنت الغرور اللـي مـلا هالكـون فـي دنيـاي=انا كنت إن نظرت البنت اصـد إليـن ترضينـي
انا وش بس يرضيني وصعبه غايتي ورضاي=انا ماكنت اشوف الشي شي(ن)قد ملـى عينـي
إليـن اليـوم جيتيني وبرسالـه خلفـتـي خـطـاي=غيـرتـي حيـاتـي كـيـف واخلـفـتـي مـوازيـنـي
مشيت الدرب تايه به وكني واحد(ن)نساي=موجه شالت افكاري وموجات(ن) ترسيني
اروّح صرت بأفكاري نهاية عوّدت مبداي=افكر يوم كنت ايام بنت بطرف تلهيني
هذيك ايام لامني لمحت البنت اعض شفاي=احس إن ها تزعلها ولكن ها تسليني
هذاك الوقت يوم إني صغير وبالعمر لهاي=اقضـّـي وقتي وكنه عصاة تلف بيديني
وماخذها على النيه ولاهمي ابد فعداي=امشيها على كيفي وكل شي(ن) ولا ديني
ولا افكر ليامنـّي مشيت اش قد حكوا مقفاي=اناظر دوم قدامي ولي خالق ينجيني
اشوف الكل له رايه وانا لازم ادبـّر راي=اخالف غيري وحتى ولو إنه يعاديني
شقاوة طفل وايامه على الغنوه ونغمة ناي=على صوت الطرب عايش إلين الله يهديني
كبرت وبان لي شيبي ولاني فالكبر خـطــّــاي=وصرت اخجل من أخطائي حيايه ثوب يكسيني
حكمني عمري وكنه حكم يحكم على ممشاي=حرام اليوم يالطفله على الماضي ترديني
حسبت الوقت ناسيني واشوف إن الزمن لي جاي=يدور الوقت بأيامي إلين إنه يلاقيني
وجيتيني بلا موعد وصرتي لي علامة فاي= علامه مالها مدة ولا ظني تخليني
وعدتيلي جروح القلب لله يالغضي مشكاي=جروح وكنها البركان ليت إنك تداويني
رجيتك ياغرام القلب خليني على مرساي=خليني ترى مالي انا طوقه تحبيني
انا لي بيتي ولـيــّــه حياتي وافهمي مغزاي=انا مابي اجدد حب خايف يوم يشقيني
يبعدني عن ايامي يجدد فالدجا مسراي=ياخذني على درب الهوى دايم يوديني
واناشايب وقلبي غض وافهم يالغضي معناي=انا مبغى الصير إفيوم حب ويوم ترميني
بديت افهم وعرف الحب واعرف للجروح دواي= اصبحـْـكي بقول أبعد قبل لا انتي تــِـمـَـسيني
ترى قولي وقلته حق حق وتاخذه يمناي=سميني جبان الحب او خواف سميني
العرض العادي
