(**** فــــارقـــــة أنا أحزانــــي وابتـــداء حـــزن ثانـــي ****)

[مفارق الأحزان]

ان صار زود المال بيدين الانذال
حنا ..من المعروف تندا يدينا
ان كانهم شرهو على طيب الافعال
حنا.. وردنا جماها وارتوينا
وان فكرو للجود يمشون رحال
حنا.. قبل يمشون يمه خطينا
لو نجمع اللي فات منا من المال
ان كان شيدنا القصور وبنينا
نعطي ولا نتبع عطانا بالاقوال
ونبذل ونسكت كننا ماعطينا
وان باعو الشيمه بدينار وريال
حنا.. دخلنا سوقها واشترينا

[مفارق الأحزان]

لقيت لي بيت مشيد ومرفوع=عليه من بيت البداوة تهايا

بيت الشعر بيت من الصوف مصنوع=معروف صنع يدين بيض الصبايا

من أولا في البر به كل منفـوع=يبنى ويطوى في ظهور المطايا

نزال رحال ومبني ومشلوع=وفي ربعته رسم الرجال الدهايا

وان جاء هشال عليهم طرف جوع=يلقون تقدير وعدة مزايا

حشمه وقولت مرحبا سلم وطبوع=وهيل بن في دلال عذايا

وكبش سمين يذبحه طايل البوع=وليا قطع راسه يجيب الشوايا

يضحك احجاجه لا كبا كل منزوع=صميدع بالطيب ما ينتنايا

له مجلس ما بين سامع ومسموع=وسوالف تروى الكبود الظمايا

مدهال خطار ومسايير وربوع=ويمدهم من مد جزل العطايا

والبيت من حوله دواوير ونجوع=وسهل وجبال وطرش ورعايا

ف خايع عشبه كما الزرع مزروع=متخالف نوار عشب الشغايا

ممطور من وبل الوسامي ومرجوع=سيل على سيل افياضه ملايا

يذكر ويعناله من البعد منجوع=وتسمن به البل عقب ما هي عرايا

يفرح اصدور البدو والشف مجموع=وهذي طرات العمر قبل المنايا

وتشوف فيه البل مشاعيف ورتوع=خلف ومعاشير وجذع ولقايا

و اليوم أرى بيت الشعر شبه ممنوع=كنه مقاطع من جميع النحايا

بيت الشعر بالحبل مثني ومربوع=وعصر المدينه حذف به ورايا

بدل ببيت فيه للناس مطموع=قصر يشادي نايفات الحجايا

يبنى على خطة مهندس ومشروع=ويجلب ويشرى من خيار الشرايا

ودار الزمان وبدل الشكل والنوع=والرزق طب من البحر في القرايا

وقت الرخا عساه بالخير متبوع=في جاه من يعلم خفي الخفايا

والبر حبه في داخل القلب مطبوع=وبيت الشعر باقي لحبه بقايا

وختامها صلوا بتسليم وخشوع=على النبي صفوة جميع البرايا

[مفارق الأحزان]

مانيب هلباج ٍ على النوم نعاس ........ ما همّـه إلا زاده وكرشته لا ملاهـا
أنا ادرج الدنيا بأفعـال و قـياس ....... عين ٍ أسعدها وعينٍ أسحن دواها
ولا ضاق صدري جبت نجرٍ ومحماس .... ودلال صفرٍ غاليٍ مشتراها
قم سو فنجال على خمسة اجناس.......و احذر من الحرق وبالك نياها
خلك لها عن كل عذروب حساس........قــ ايس حـبـّها على قــد ماها
حتى فنجالها يقــعــد الـــراس....... ..عـقب السهر و الطرد ما أكبر غلاها
ثم صبها لرجـالٍ على النار جلاس........كيف الرجال اللي بــعيد مداها
بـَـدّ اللي للــمعاديـــن نطاس........... .مـــودع سـمان الهجن تدامع حفاها
والثاني اللي بربعة عاصب الراس....... يــشبع بـها من مر و من نصاها
والثالث اللي حـامي ٍ دن الافراس........ لاروحــت خيــل بــخيل حـمـاهـا
وباقي الملا لو ماتقهويه لاباس.......... لا منه خـير ولا يــذري ذراهـــا

[مفارق الأحزان]

أنا خوي اللي ليا أقبلت فزوا ""="" ولـهـم نباً يـبهج صدور الريا جـيـل

وأنا خوي اللي على النار رزوا ""="" شقر الدلال اللي ذعر فوحها الهيل

وأنا خوي اللي سناء النار عـزوا ""="" أحلا لـهـم لضــيف دايــم مداهيل

لضيف ما صدوا بوجه وتوزوا ""="" عمدان صلبات الخشب تشتكي الحيل

أهل أحلا لـنٍ فلكرم ما تخزوا ""="" تلقا ء على نـار الـكـرامـة د وا لـــيل

وجيه الرجال اللي عن البخل نزو ""="" أبعد عن الرديان من نجمة سهيل

ولاني بخوي اللي ليا أقبلت هزوا ""="" روسٍ عـلى أجسادٍ سواة البراميل

لا قبلت فيك بناضر الـعين كـزوا ""="" تسـمع نـبأ الخمـه ضعيف ودهأميل

وإن غبت في غيبتك حزوا ولزوا ""="" وقاموا عـلـيك يـولـفـون الأقاويل

إضعوف في وقت الرخأ لو تلزوا ""="" مـا يـنـفعـونـك للــيال الــمــقابـــيل

مجـالـسٍ عنها الـمـشاكـيل جـزوا ""="" مجالـس الـثبريـن تغـدي سرا ميل

عنها نهـيت النفـس لـوهـم تــنزوا ""="" وحطـو لهـم سـجاد حـمر ومعا ميل

[مفارق الأحزان]

يا زين بيت الشعر والنار مشبوبه "="وعلى طرفها الدلال الصفر والشاهي
والأر خراء بعشبٍ طالعاً دوبه "="والطين مبني بشكلٍ زين متباهي
والقربة الماضيه في ميها اعذوبه "="وسوالفاً للنشاما عدها ناهي
تحكي تراث الجدود وتعرف أسلوبه"="أهل الكرم والجمالة طيبها راهي

[مفارق الأحزان]

ومحلا شبوب النار والدله على جمر المليل = رسلان صفرا مزعفره والهيل هو يعبالها
في يّد قرمٍ لا عتزا راغة عيونك يالذليل = خفيف جانب دلته مايشبعك فنجالها
اسري وآسري هاجسي كني عشيقٍ لرحيل = والليل لامنه سرى الالغاز ؟ من حلالها
وآسج فكري في البحر ميلٍ بعد ميلٍ وميل = وامر بأمواجٍ تلاطم ينهبل من جالها
كني غريبٍ ضيّع دروبه ولا فيده دليل = اعمى بصر والا البصيره ميزته بـلحالها
وين الفهيم ابن الحمايل صاحب الهرج الجزيل = يفهم معي كلمة عتب والنفس من علالها
اخاوي الطيّب ولا لي في الردي قسم وحصيل = ومقرد الخلق آتعوذ من غثا جهالها
وانزه النفس العزيزه في سما جوٍ عليل = والحر لـشقر لا كفخ وكره بروس جبالها

[مفارق الأحزان]

وين اللي وزابك من الناس عساف



جيرانكم يا ذهبين الحمايل

الشيخ فراج خذا معه جملة أفراس



وأقفوا وعساف بعينه يخايل

واما ابن شعبان لبس ثوب نوماس



من دون جيرانه ساق خيل أصايل

هواجر من طيب ساس على ساس



على القبايل يكسبون النفايل

ظفران لا من درعوهم بلا لباس



وكرمان لا من قل وبل المخايل

عندي لهم بيضاء روس الأطعاس



من باب هجر إلى قفار حايل

عيا عليهم قوة الباس والراس

وعيا عليهم مرهفات السلايل

[مفارق الأحزان]

البر احبه واحب اللي يحبونه=من صغر سني وفيه النفس مولاعه
هواية في صميم القلب مدفونه=تجري مع الدم في مشيه ومرجاعه
خصٍ اليا الوسم مزنه مالت ردونه=واسقى الضوامي ونبت العشب في قاعه
وقام الشمالي يلاعب لين غصونه=يازين مع نفحة النسمه تمرياعه
اعشق زهوره ويسحر ناظري لونه=واشم عطره واقوم اعدد انواعه
نفل وبسباس وخزاماه وفنونه=وربله ونوار والحوذان واتباعه
والقحويان ويهق ياللي تعرفونه=وشرشر وحميّض وشقاراه واقشاعه
احب ازوره قبل لا البدو يرعونه=اروى النظر منه لامن زان مرباعه
واحب حرٍ يشاف الفيد بعيونه=ربحان من يشتريه وخاب من باعه
حرٍ ليا شافوا البرقا يهدونه=واليا طلع في سماها صابها راعه
لاشافها بامر رب العرش مضمونه=لاهوا على صيدته ماخانه ذراعه
وخوّة نشاما خوي الجنب يغلونه=على النقا جامعين الطيب والطاعه
الفرض لاحان في وقته يصلونه=وفي مغفرة خالق الاكوان طماعه
البال لاحل به ضيقه يسلونه=ووقت الله الله فزاعه وجزاعه
اليا بغوا درب مايمسون من دونه=اسباع ليل ونهار ونومهم ساعه
باسج معهم طرب والروح مرهونه=وتالى الزمان العمر مدري عن اوضاعه

[مفارق الأحزان]

نام وتقوم الصبح ياخي على خير
خل التعب والهم كله عليّه

باصير لك ام وابو واخٍ كبيـــر
ماداهم راحو لرب البريـه

انته طفل والهم يذبِلك بكّيــــر
وانا طفل بس الزمن خان فيه !

[مفارق الأحزان]

بـ الضبط مثل الصورة !
اللي نحتها عاشقٍ فنان .. داخل غار .. بين صْـخوره .!!
و ما حدٍ درا به غير قلبٍ منكسر ، مسجون وسط شعوره !!