قول عادي .. بالي الليله طويل ..
شُوف لِك عذرٍ قديمٍ / وأقبِلَه !!
لا تحاتي ...قلبي مِتعَوِّد يشيل ..
( الجُروح ) إللي تجي له مـقـبـلـَه ..
" طيبتي " صارت مثل ( كف البخيل )
أيِّ شَي طايح .. تِشُوفـه ؟ تحمِـلــَه..
و " عزِّتي " تقدر تِسَمِّيها : النخيل..!!
لأني شامِخ .. والـعــواصــــــف قاتِـلـــــَه..
وعادي جداً .. إنِّي الليله ( عليل ) ..
الحزن : يـحـْـسِبني واحد مِنْ هَـلـَه.!!
{ومو غريبه .. لو تِـمـَنِّيت الرحيل"
"البقاء أحيان , يعني .. البهــذلـَه.}
في غيابك .. ما لَهَا الضيقه مثيل ..!
وربِّي إللِّي .. ما يشاءهـ , يفـعـلَـه..
مِنْ يلاقي لـ دنيتي هذي بديل ..؟
خل يجيني أي شخص .. أبَـدِّلـَه..
وعيب راسي لا بغى شي " مستحيل "
{يـوصلـه مو طيب .. غصبٍ يوصلَه.}
ليه راجع ؟! ليه ذاكر ..؟ يـ الأصيل ..
"إنت ضايق .. ؟! في خطأ بالمسألَه"
وليه تبكي مِنْ كلامي يـ الدخيل ..؟
*المشاعـــر .. ما لَهَا بقـلبـك صِـلــَه*
و( البلا ) .. إن حَبْ رجالٍ " ثـقيل "
ينسى مِن حُوله ويسْمَع ( مُذهلَه ) !!
مِن عرفتك .. ما بقى بـ اليَد .. حيل"
{ولو بكيفي .؟ ( قلبي ) محدٍ يدخلَه}
ومِن عرفتِك .. حظِّي العاثر يميل ..
أعترف لِكْ إنِّي ( عاجز ) أعدِلَه !!
فاقد الإحساس / ما يـعــطـي القليل
وإن عطيته إحساس قلبك ؟ يقـتـِلَــه !!
إيه بـ أرحل والطريق أدري .. طويل ..
مشكـلـه " قربك " .. وبُعدِك مٌشكـلــَه ..
وإن خذاني المُوت إترك قالٍ وقيل ..
قول هـ الجُمله .. وخطاك امحلِّلـَه..
[ ربِّي ألهَم أهله الصَبر الجَميل ..
وإرحمـه يا رب وإحسِن مدخلَه ].!
العرض المتطور
