~{وشـ تقـــــول للي فــي بآلــــكـ .....}~

[رهيـ عيونها ــن]

اقول القول و ابيّن مقالي
مانيب اللي تحاكا بالهزالي


سمين الهرج عندي و المثّبت
على فعلٍ ينومس كل غالي


و شعرٍي مثل فعلي افتخربه
مثل فخري بـ/أعمام و خوالي


قصيدي لا زهمته جاك لافي
كما سيلٍ تحدر من عوالي


اعده مدح في طيب الفعايل
و اعد اللي احبه برتجالي


احب الصيت في فعلٍ مقامه
يعليني معه لا زان بالي


و احب البر و البيت المروبع
مع ذودٍ تدرهم من قبالي


و احب الضيف لا جاني مسيّر
و خذا ماجوب حقه من حلالي


و احب الضو مشبوبه و كيفي
معاميلٍ تبهّر في دلالي


اجيب البن من يافع و حمسه
شقارٍ زدت حرقه بعتدالي


ابيه يفوح في دله و يطبخ
عشر لو فوق عشرٍ ما أبالي


لان الكيف توقيته محدد
على فوح البغاديد الثقالي


و احب المجلس اللي فيه يذكر
نظيف القول و افعال الرجالي


و احب الكلمه ان جاتك مليّه
ثمينه ما تسعّر بالريالي


و احب القاف لا جا في مجاله
على المنكوس و البحر الهلالي


و احب الشاعر اللي ريح بيته
مثل عودٍ تطابخ بشتعالي


اذا جاب القصيده بان فعله
قبل شعره و لا فيها جدالي


كريم افكار و ابياته جزيله
و لا روّح مع الغاوين سالي


اذا عد القصيده ما تمله
ثباتٍ ما ترادم من هيالي


و احب اللي عيونه والدينه
كمالٍ له و لله الكمالي


و احب اللي حفظ حق الاخوه
و لا يقطع قريبه بالوصالي


و احب الجار لا من ضاق جاره
كفاه الضيق من ضيم الليالي


و احب اللي ليا شال الثقيله
يطيق الحمل لو حمله جبالي


ذكرت اللي احبه في قصيدي
على طرقٍ جبرني ما طرالي


بديته هاويٍ و اليوم غاوي
و اشوفه قام يعبر من خلالي


و سلطان المراجل شاهدٍ لي
و سمّاني رفيقي من مجالي


صخرت القاف من بحر(ن) مسمى
على صخر القبيله بالشمالي


بنيته و المدى وافر و عندي
مقادير النظم أول و تالي


عساني لا بدعته ما بخسته
و عساني ما اجيب الا الجزالي

[مفارق الأحزان]

صح لساانك يالغااالي كفووووووووووووو جزله من راس جزل

[({ همس الغروب} )]

وش فايدة قولتك ليته وليته =كل الغلا قلنا عليه السلامي

من دفتري لاشفت أسمك محيته =ماعاد لك طاري بصفحة غرامي

[تح ـــدوووه الناس]

لا تخافي علي
فلن أموت من حبك مرتين


.






.

[رهيـ عيونها ــن]

اقتباس المشاركة الأصلية كتبت بواسطة مفارق الأحزان صح لساانك يالغااالي كفووووووووووووو جزله من راس جزل

وصح لسانك وعتلا شانك انا معجب في ابياتك واصل اخوي الله يسعدك

[ρùℓşέ]

يـا من يعـاتب مـذبوحا على دمـه = ونـزف شــريانه ما أســهل العتبــا
من جرب الكي لا ينسى مواجعه = ومن رأى السم لا يشقى كمن شربا

[مفارق الأحزان]

الحب عند بعض العرب نطقه اسهال = مايدري ان الحب بالقلب حساس
دامه يحب يلعب فيني بكل الأشكال = بقول روح العب على عديم الأحساس

[رهيـ عيونها ــن]

الروح مشتاقه .. على الخل شفقه
يتوب خلق الله و لاني بتايب


الحب ضخ الشوق دفقه و دفقه
فيها عروق القلب تجري سرايب

[ρùℓşέ]

من قال .. لك ...:
أن الألم ... يصنع بدايات الطريق ..... !!
قلّه .. ترى أكبر ... خطأ ....!!
أن الغريق ..... ينقذ ..... غريق

[مفارق الأحزان]

اقتباس المشاركة الأصلية كتبت بواسطة ({ همس الغروب} ) وش فايدة قولتك ليته وليته =كل الغلا قلنا عليه السلامي من دفتري لاشفت أسمك محيته =ماعاد لك طاري بصفحة غرامي