يا شوق.. لا تهجـر فـؤاد تبنـاك
فيموت عشـق(ن) نـار منشـاه حيـه
من نظرة(ن)وحده ترى صار منشاك
لا تكسب بخل(ن)صدق فيـك سيـه
لا تصدق بوسواس.. جـاك وتـولاك
وسواس راح بنيـة وجـاب نيـه
وسواس عن فيض العطا قام ينهاك
ويطفي مصباح(ن) بـدا نـور ضيـه
ما كان يقصد يوم مر وتعداك
كنك بتجعل من شكوكك قضيه
خذها نصيحه قبل لا تمر الاشواك
واعماق نفسك من غرامك طريه
لصار خلك صـادق(ن) جـد يهـواك
ويطويه عشق صـادق(ن) الـف طيـه
اصدق وجاهد في وصاله اذا جـاك
واذا عطـاك بـود تعطيـه زيــه
العرض العادي
