مرحوم ياللي جهزوا يوم الاثنين
............................ العصر من فوق النعش شايلينه
حطوا على مدعوج الاعيان سافين
............................ رصوا عليه اللبن ومـلحدينه
ياليت كفي حدر خده عن الطين
............................ والكف الاخر فوق صافي جبينه
ياليت يومي قبل يومه بيومين
............................ ليت المرض من بيننا قاسمينه
لا يا حياة الشر عقب اريش العين
............................ لا واهني مــن شافنا مقتفينه
شربت انا من صافي الغبن كاسين
............................ قطّـع معاليقي وكــبدي متينه
ياونتي ياشين فرقا المـــحبين
............................ ياعيني اللي من فراقه حزينه
ياسهر عيني والمخاليق ممسين
............................ يـاقلبي اللي مثل دق المكينة
قالوا حزين وعشرك اليوم ثنتين
............................ قلت اعذروني زين الاطباع وينه
* جديع العنزي في رثاء زوجته