ياقلب شلت هموم فوق احتمالك
ماعاد يبقى متسع في رفوفك
ياقو ماتصبر ويــاوســـــع بالك
على ثقل دم وسخافة ضيوفك
نصف النوايب محتويها مجالك
والنصف الاخر كل ليله يحوفك
ياليت بياعك عرف وش جرالك
يمكن يعالج غلطته لو يشوفك
لكن اظن اللي زهد في وصـــالك
ماعاد شفه يتفق مع شفوفك
برق بـعـيـنه زيف قلبٍ بدالك
لوكان نوره مايعادل كسوفك
لاتندفع ياقلب وارفق بحالك
وش لك بخلٍ مايقدر ظروفك
في خاين العشره خساره جمالك
انسه مثل ماهوب نسي معروفك
اخذ النصيحه ياعسى الخير فالك
واصبر على بلواك واعلن عزوفك
ياقلب تباع المقفين هالك
ان كان بعضات المعاني تطوفك
العرض العادي
